Allt misskilningur. Þetta er Framsóknarflokkur ekki Sjálfstæðisflokkur.

Furðuleg meinloka í fólki sem látið hafa Framsóknarplebbana úr Eimreiðinni draga sig á Asnaeyrunum í yfir 20 ár. Ef litið er til verka Flokksins í Ríkisstjórn síðan 1995 þá er hvergi hægt að finna neitt sem talist getur "stefna" okkar Sjálfstæðismanna eða hægristefna yfirleitt.

EINOKUN í atvinnulífinu eins og í sjávarútvegi og landbúnaði er hvorki stefna Sjálfstæðisflokksins né hægristefna heldur hrein Framsóknarmennska og spilling.

Spilling er ekki stefna Sjálfstæðisflokksins....? Eða var það ekki fyrir Davíð að minnstakosti.

Driffjöður atvinnulífsins á að vera í höndum einstaklingsins....? Skapa honum aðstöðu til að stofna um sig fyrirtæki og byggja upp atvinnustarfsemi og skapa atvinnu og verðmæti....? Það þíðir ekki að gefa eigi vinum og vandamönnum Banka og önnur vel rekin ríkis- eða bæjarfyrirtæki það heitir spilling.

Forysta Sjálfstæðisflokksins er grímulaus hagsmunagæslu batterí fyrir litla klíku útgerðarmanna í kringum Þorstein Má sem búinn er að komast upp með að sölsa undir sig eigir og auðævi þjóðarinnar á kostnað almennings í landinu. Á kostnað sjómanna og almennra launþega, á kostnað atvinnurekenda og á  kostnað ríkissjóðs. Af hverju heiðarlegt fólk lýsir yfir áframhaldandi stuðningi við þetta sukk og svínarí sem tíðkast í kringum Flokkinn í dag er mér með öllu óskiljanlegt.

Ég yfirgaf þennan Framsóknarflokk þegar Davíð tók við stjórn Flokksins af því að ég er Sjálfstæðismaður. Ég aðhyllist frelsi einstaklingsins til orðs og æðis en ekki EINOKUN og hagsmunagæslu. Ég aðhyllist stétt með stétt en ekki að færa fámennisklíku milljarða af eigum þjóðarinnar. 

Kjósendur og hægrimenn yfirgefið þennan Flokk sem er ekkert nema spillingin uppmáluð og á ekkert skylt við Sjálfstæðisstefnuna. 

Ekki á leið úr Sjálfstæðisflokknum