Minnir sterklega á það sem fram fór gegn Formanninum Kortér i kosningar?

Ég get ekki varist þeirri hugsun að þetta ógeðfellda athæfi sem á sér stað í kringum Sigmund Davíð og virðist gagn gert beinast að því að eyðileggja stjórnarsamvinnu kost með Sjálfstæðisflokki.

Staða Bjarna Benediktssonar  yrðið greinilega sterkari í Flokknum ef hann yrði ráðherra í sterkri stjórn hvort sem hann stýrir henni sjálfur eða ekki.

Hverjir eru það sem hafa gefið skít í þjóðarheill ef þeirra óskir eru annars vegar síðastliðin 20 ár? Eimreiðin vill greinilega öllu ráða og þætti mér ekki undarlegt að þeir séu þarna bak við tjöldin nú sem endranær.

Vonandi nær Formaðurinn nógu sterkri stöðu til að geta sópað Framsóknarflórinn og þar með Eimreiðinni út úr Valhöll. 

Fordæma árásir á Sigmund Davíð

Krossgötur Stjórnmálaskörungs eða loddar? SDG á völina.

Sigmundur Davíð á völina að verða stjórnmálaskörungur og leiðtogi eða detta í gamla Framsóknarfarið. Davíð Oddsson hafði svipað tækifæri einu sinni og valdi Framsóknarfarið þar sem hann dró allan flokkinn með sér í spillingu og eiginhagsmuna pot og spillingar vörslu. Vonandi hefur Sigmundur Davíð meiri virðingu fyrir sjálfum sér og kjósendum sínum.

Ræðir við Bjarna aftur í dag

Hverjir voru á leynifundinum???

Hvað þurfti að fela? Voru huldumenn á fundinum?

Leynifundi formanna lokið

Sigmundur Davíð á völina - gæti orðið mesti stjórnskörungur síðari tíma EF?

Kann ekki að segja hvort það er rétt eða rangt að fá Sigmundi Davíð keflið en eitt er víst að nú hefur formaðurinn stórt tækifæri til að verða stórmenni í íslenskri pólitík tækifæri sem DO svívirti með spillingu og hagsmunapoti.

Brjóti Sigmundur Davíð af sér hlekki afturhalds afla "gömlu" Framsóknar gæti hann orðið okkar besti leiðtogi. Það verður gaman að sjá hvernig hann höndlar völdin og ábyrgðina.

Gangi honum vel.

Ætlar að ræða við alla formenn

Handónýtt þjóðfélag í viðjum KVÓTANS

Það er deginum ljósara að hér verður ekki reist það velferðarþjóðfélag sem við eigum skilið á meðan EINOKUN viðgengst í kringum sjávarútveginn. EINOKUNIN kemur í veg fyrir flæði fjár um þjóðfélagið og að hér geti orðið nauðsynleg hagsæld.

Það er hryggilegt að sjá okkur dragast aftur úr nágrannaþjóðunum þegar við vorum fyrir kvótakerfið á leiða að verða ríkasta þjóð heims við hlið Noregs. Sú er eyðilegging kvótans búin að vera að við erum láglaunaþjóða á skandinavískan mælikvarða.

Nú ert  þú kjósandi góður DÓMARINN. Ætlar þú að festa hérna í sessi láglauna, leiguliða þjóðfélag með atkvæði þínu? Ætlar þú að láta það viðgangast að börnin þín fái eingöngu vinnu við að skeina barnabörnum Kvótahirðarinnar?

Mundu að nýju framboðin eru mönnuð heiðarlegu fólki sem vill breyta þjóðfélaginu eins og þú villt hafa það.  

80% launahækkun jók kaupmátt um 3%

EINOKUN í sjávarútvegi þrýstir okkur inní ESB

Komist útgerðin upp með áframhaldandi EINOKUN í sjávarútvegi og komi í veg fyrir nýliðun og markaðs væðingu á lönduðum fiski eigum við ekkert erindi utan ESB. Hverju skiptir okkur að eiga í vonlausu stríði við öfga samtök LÍÚ með skæruliðann Þorstein Má í fyrirsvari eða Evrópu útgerðir? Evrópu útgerðir vilja að minnsta kosti koma hér og fara að lögum í samningum við þjóðina þegar útgerðin á Íslandi beitir ofbeldi á þingi og gagnvart einstaklingum til að verja EINOKUNAR aðstöðu sína. 

Ég sé ekki muninn.  

Ólík sýn á sjávarútvegsmálin

Nú ert þú DÓMARINN Já þú og enginn annar

Við höfum beðið og beðið eftir að menn væru dregnir fram og gerðir ábyrgir. Ábyrgir á að hafa bundist böndum um að ræna þjóðinni auðævum sínum. Við sáum stjórnmálamenn bindast bankastjórum ríkisbanka til að plotta rán útgerðafélaga út á eign þjóðarinnar. Við sáum útgerðir labba með milljarða á milljarða ofan út úr bönkunum sem bólgnuðu út eins og útgerðirnar sem reru á bankana með svikum. Síðar kom sala ríkisbankanna þar sem bankar voru seldir vildarvinum og aldrei greiddir og enn óx bólgan í hagkerfinu sem sprakk síðan í andlitið á okkur og þá þykist enginn bera ábyrgð og við bara göpum og skiljum ekki neitt í neinu. 

Við rerum lífróður við að halda okkur og fjölskyldum okkar á floti en bankar, útgerðir og Elítan græddi sem aldrei fyrr á röngu handstýrðu gengi svo hægt væri að lækka ofurskuldir útgerðarinnar ekki til að hjálpa þjóðinni. Afskriftir risa lána trekk í trekk og við sáum engann sýna ábirgð. Allt ólöglegt og beint gegn einstaklingunum. Við bara borguðum og borðuðum og gerð eignarlaus. Enginn ábyrgur. Meira segja Nóna (Skinney Þinganes) HA stal 2,6 milljörðum eftir hrunið fyrir allra augum og enginn sagði neitt!!!  

En kjósandi góður á laugardaginn vill svo til að þú situr í dómarasæti yfir þessum rubbungs lýð. Framsóknar-plebbunum, kvótahirðinni og Eimreiðingum sem fóru fyrir þessum  aðförum og létu ekki segjast vegna GRÆÐGI. Ætlar þú að kjósa frambjóðendur þessara manna á þing og verðlauna þá þar með svo þeir geti haldið áfram fyrri hegðun? 

Ég sagði nei og kaus nýtt framboð Dögun. Nýju framboðin eru mönnuð heiðarlegu fólki. Notaður atkvæði þitt til að dæma þá sem báru ábyrgð á óförum þjóðarinnar. Nýtt Ísland er í þinum höndum.

 

Ekki fantur ..... Nú fáum við að sjá hvern Þorsteinn Már hefur fundið

Sóma maðurinn Friðrik J Arngrímsson passaði aldrei í skó fyrirernara síns í fantaskap og yfirgangi. Sennilega ekki fundið sig í að hringja í ritstjóra fjölmiðla með hótunum og illindum. 

Nú fáum við að sjá hvern HANN velur sem núna er einráður í LÍÚ þar sem enginn fær að anda án HANS leyfis. 

Friðrik hættir hjá LÍÚ

Segir Eimreiðin ekki af sér og ritstjórinn?

Hvað er verið að fela sig á bakvið einn landgönguliða? Á ekki að SÝNA ÁBYRGÐ?? Að hætti stórmenna? 

Menn eiga að þekkja sinn vitjunartíma. Á að láta formanninn grípa til aðgerða og láta hreinsa til í Valhöll. Ætlar Eimreiðin og  kvótahirðin að þvælast fyrir með "eyðileggingu" og fanta brögðum þangað til flokkurinn er endanlega ónýtur?

Nú er mál að linni. Hafið vit á að hypja ykkur látið ekki eggja ykkur lengur. Nógur er skaðinn. 

Lætur af störfum formanns

Eimreiðin vs Framsóknarflokkurinn. Þetta var allt misskilningur!

Nú þegar Formaður Sjálfstæðisflokksins var þvingaður til að svipta hulunni af launráðum Eimreiðarmanna rann upp fyrir okkur ljós.

Eimreiðarmenn voru og eru FRAMSÓKNARMENN og hefðu aldrei átt að ná völdum í Sjálfstæðisflokki og áttu þangað ekkert erindi annað en að skemma flokkinn.

Ég veit ekki hvort það var útaf mikilli pólitík í fjölskyldunni eða skapgerð minni en ég var snemma mjög pólitískur og tók afstöðu í málum sem snertu hag borgarinnar og þjóðarinnar allrar. Ég hataði tvískinnung, fals og óheiðarleika. Ég hafði ekki mikla virðingu fyrir Framsóknarmönnum á þessum árum þar sem spillingin og einokun virtust stjórna öllu þeirra gerðum. Jú ég studdi Sjálfstæðisflokkinn og sá fyrir mér frelsi einstaklingsins i stafni velferðar á landinu. Ég kaus manninn sem sagði í tilfellis ræðu okkar ár konunnar ár umferðarinnar ár kattarins en hvenær kemur ár okkar. En mikil voru vonbrigðin þegar ég varð að standa hjá og horfa á Borgarstjóra Reykjavíkur hysja buxurnar upp um Ísbjarnar strákanna sem allir vissu að voru á hausnum og sameina þetta gjaldþrota fyrirtæki við glæsilegt fyrirtæki borgarinnar sem var í mikilli uppsveiflu Bæjarútgerð Reykjavíkur til síðan að minnka hag borgarinnar af sölunni en bjarga velferð þeirra vinanna.

Þarna sá ég að kominn var Framsóknarmaður í Borgarstjóra stólinn og síðan þurfti enginn að efast árið 1992 þegar Sjálfstæðisflokkurinn vann sinn stærsta kosningasigur undir kjörorðinu "MOKA FRAMSÓKNARFLÓRINN". Þarna eygðum við Sjálfstæðismenn að afnumið yrði arfavitlaust stjórnkerfi fiskveiða sem skaðaði þjóðina og sjávarútveg gífurlega. En hvað skeði?

Formaður Sjálfstæðisflokksins rauk beint í að mynda stjórn spillingar stjórn með Framsóknarmönnum og upp í fang hans stukku engir aðrir en Kristján Ragnarsson LÍÚ og Þorstein Már Baldvinsson. Saman ásamt formanni Framsóknarflokksins suðu þessir kónar mesta spillingar kokteil sem soðin hefur verið á Íslandi þar sem bankarnir voru látnir taka eign þjóðarinnar fiskinn í sjónum sem eigið fé útgerða með þeim afleiðingum að skuldir útgerðar þrefölduðust án þess að á móti kæmu nokkur veð.

Og enn var haldið áfram og fyrirtæki einkavædd og hverjir voru leiddir til forsætis fyrir þessi einka"vina" væddu fyrirtæki? Heyrði ég einhvern hvísla Eimreiðingar??? HA sagðirðu hvað....?

Eimreiðingar voru eru Framsóknarmenn og allan þeirra gerning þarf skilyrðislaust að hreinsa úr stefnu Sjálfstæðisflokksins.

 Skyldu fleiri vera sendir til að segja mér að ég fái aldrei vinnu á Íslandi????