Metan og Rafmagn á alla bíla á Íslandi? Er það ekki góður fjárfestingakostur að endurkraftvæða bílaflotann?

Ekki hef ég tækniþekkingu á bílum en ég skil hátt benzín verð. Nú er benzín blóðpeningar fyrir þjóðina og gjaldeyrisleki. Aðrir kostir eru nú í boði og má þar nefna Metan og rafmagn. Menn eru farnir að setja Hybrit í bíla á almennum markaði sem sparar þó nokkuð.

Er kannski tímabært að búinn verði til fjármögnunarkostur þar sem "ofur hagstæð"* lán verða boðin almenningi í þeim tilgangi að styrkja þá í að setja svona benzín sparandi búnað í bíla sína?

Í fljótu bragði sé ég margþættan hagnað í að fara þessa leið. Bara þetta ferli myndi vekja verðskuldaða athygli á landinu. Við gætum stór sparað gjaldeyri frá deginum í dag og til framtíðar. Fólk kæmist betur af og notuðu bílana meira til ferðalaga innanlands. Mikil vinna skapast eflaust við þetta og eflaust meira en bara við innsetningu. 

Fjárfesting í bílum sem við eigum sparar gjaldeyri og mér finnst við hafa vanmetið íslenskan bifreiða iðnað. Með lágu gengi (fyrir útgerðina) er verð á innfluttum bílum hátt og gott að fá vinnu við viðhald uppfærslu á bílum inn á vinnumarkðinn. 

* útgerða lán sem aldrei  þarf að borga!