Hýddir á gapastokk sögunnar

Það er því miður búið að fara illa með fjölda fólks í sjávarútvegi og hræðilegt til þess að hugsa að hér var verið að plotta hvernig væri hægt að ná undir fáa útvalda sem mestu af aflaheimildunum. Sem dæmi get ég nefnt að eitt sinni er  þorskstofninn rétti úr kútnum og þorskur var um allan sjó þá nefndi ég við yfirmann minn hjá Granda hvort ekki væri ráð að ýta á með auknar aflaheimildir í þorski. Svarið sem ég fékk frá manninum voru að ekki mætti auka við aflaheimildir því "þeir væru ennþá að deyja". Átti hann þar við smá útgerðina þar sem menn áttu kannski 15 til 40 tonn af þorski til að geta
fiskað aðrar tegundir. Þarna varð mér ´ljóst að útgerðin var með hönd í bagga með hve mikið mátti veiða????

Frægt er dæmið þegar Landsbankinn á Hornafirði fór á eftir útgerðamanni og skipstjóra sem átti 20 tonn af þorski sem hann notaði sem auka afla til að geta fiskað skötusel sem enn var utan kvóta, og felldi Bankinn á hann lán!! Þegar Útgerðamaðurinn kom að tali við Bankastjórann benti bankastjórinn útgerðamanninum á að hann ætti 20 tonna þorsk-kvóta sem hann gæti selt til að borga lánið upp. Útgerðamaðurinn varð að sætta sig við þetta til að missa ekki bátinn. Daginn eftir gerninginn keypti Skinney/Þinganes þennan kvóta af Landsbankanum!!

Annað dæmi sem þjóðin má skammast sín fyrir eru þær áhafnir sem eru að vinna á kvóta
litlum bátum. Þarna eru menn að vinna og fá minna en 30% af launum sínum greidd restin fer í að kaupa kvóta af "Sægreifunum" sem lifa eins og flott ræflar um allan heim og monta sig af peningnum hans pabba. Það eru mörg dæmin um óréttlætið sem framkvæmt hefur verið á fólki og fyrirtækjum.

Talandi um byggðarlögin þá eru tvö svæði sem hræðilegt er að hafa þurft að horfa uppá og furðulegt hve Alþingi skuli hafa verið máttlaust að verjast þeirri svívirðu sem fólkinu á þessum svæðum hefur verið boðið uppá. Ég er að tala annars vegar um Vestfirði og hins vegar Suðurnes. Báðir þessir landshlutar liggja að auðugustu miðum landsins en græðgin í "stórútgerðunum" var slík að enginn fékk (þorði) að fara gegn því ofurefli sem við var að eiga. Ef tekið yrði upp sóknarmark núna yrði sprengja í útgerð á þessum stöðum og atvinnuleysi hyrfi eins og dögg fyrir sólu.

Sannleikurinn er mitt eina vopn í þessari réttlætis baráttu. Ég bið fólk sem orðið hefur fyrir barðinu á Kristjáni Ragnarssyni og öðrum útgerðaraðilum að koma fram með sögur sínar. Ekki ástæða að þegja lengur yfir glæpum þeim sem framdir hafa verið til að verja kvótann. Nú þegar er ljóst að þeir munu hýddir á gapastokk sögunnar Kristján Ragnarson, Þorsteinn Már Baldvinsson, Halldór Ásgrímsson og Davíð Oddsson fyrir aðkomu sína að þessu óheilla kerfi. Menn þurfa ekki að hræðast þessa kóna lengur þeirra tími er runninn Jón Bjarnason sér um það með okkar hjálp.