Snillingarnir Hannes Hólmsteinn og Ragnar Árnason

Hagfræðiprófessorinn Ragnar Árnason átti loka sprettinn á málþingi á vegum Háskóla Íslands  fyrir. nokkrum dögum. Ég er svo heimskur að hafa haldið að eftir að gert hefur verið þvílík háðung af yfirlýsingum Hannesar Hólmsteinn á youtube ( Hannes hólmsteinn í Ísland í dag ) væri búið opinbera bullið um að við setningu framsalsins á kvótann hefðu orðið til gífurleg auðævi sem ekki voru til áður.

Nú leyfir Prófessor Ragnar Árnason að fullyrða að við setningu framsalsins á kvóta hafi orði til í íslenska hagkerfinu kr. 450 milljarðar! Og síðan að þessi 450 milljarðar eru búnir að vera til í landinu síðan en ef kvótinn verður afnuminn TAPI þjóðin þessum 450 milljörðum!! Og falli það eins og skattur á hvert manns barn í landinu! Þjóðin missi allan stuðning erlendra þjóða og enginn vilji lengur kaupa af okkur fiskinn!!

Fyrirgefðu kæri lesandi ég sat þarna fyrir framan prófessor við okkar helstu menntastofnun og fannst ég vera að hlusta á mesta hálfvita fyrir utan Hannes Hólmstein að sjálfsögðu sem ég hefði augum litið. En náttúrulega er Ragnar enginn hálfviti hann er að vinna vinnuna sína og gera það sem honum hefur verið falið af yfirmanni sínum Þorsteini Má Baldvinssyni. Halda áfram plotti sem hófst 1993 að með öllum tiltækum ráðum að viðhalda hér kvótakerfi við stjórnun fiskveiða hvað sem það kostar. Ragnar er ekki að hugsa um heiðarleika eða starfsheiður allt skal víkja fyrir lygi og ómerkilegum málflutningi.

En núna eins og kom fyrir þorstein Má á Akureyrarfundinum skaut Ragnar langt yfir markið. Bullið var svo yfirgengilegt að það hlýtur hver maður sem heyrir þessa rökleysu að sjá að allt þetta umstang Ragnars í blöðum og hvar sem hann kemur er bara veik tilraun til að þóknast Þorsteini Má og þeim sem enn standa við bakið á honum og eru reiðubúinn að falla með honum þegar illvirki hans verða öllum ljós.

Það slær þó öllu við að sjá að Ríkisstjórnin og Alþingi séu á sama plani og bullukollar í Hagfræðideild HÍ leppar LÍÚ. Að ætla nú þegar mesta nauðsyn ber að fara að vilja þjóðarinnar varðandi kvótakerfið að afnema það þá selur Jóhanna sína sál og ætlar að ganga í lið með ofbeldis mönnum og lögleiða hér óbreytt kvótakerfi. Aldrei hef ég séð forsætisráðherra fara svo grimmilega gegn þegnunum nema ef vera kynni þegar Davíð setti okkur í flokk hinna 16 viljugu þjóða. Ömurlegt þegar spillingin ristir svo djúpt að manneskjan sem komst til æðstu metorða svíkur þjóð sína með þessum hætti.

HNEYKSLI!!!RÍKISTJÓRNIN ÆTLAR AÐ SVÍKJA ÞJÓÐINA. ÓBREYTT KVÓTAKERFI!

Þrátt fyrir að manni hafi grunað að eitthvað væri að gerjast eftir útspil Bjarna Benediktssonar í ICESAVE  þá er það eins OG blaut tuska í andlitið þjóðarinnar að sjá ríkisstjórnina ganga frá frumvarpi um áframhald kvótakerfisins. Það sem kemur fram í frétt Fréttablaðsins segir okkur að hér er á ferðinni frumvarp sem er eins og sniðið eftir hugmyndum LÍÚ. Engar breytingar. Einhver 8 % til byggðarlaga og síðan kannski eftir 15 ár !!!! þá kannski 5 % í viðbót.Bara fíflagangur.

Hvaða viðbjóðslegu niðurlægingu ætlar Alþingi að sýna þjóðinni? Kvótakerfið brýtur í bága við almenn mannréttindi! Kvótakerfið er í andstöðu við vilja þjóðarinnar!Kvótakerfið er orsakavaldur þjóðargjaldþrotsins! Kvótakerfið mun valda öðru þjóðargjaldþroti ef þetta verður að lögum. Kvótakerfið felur fáum útvöldum einkarétt á nýtingu auðlindarinnar. Samfylkingin gengur hér í sæng með glæpaklíku Þorsteins Más Baldvinssonar sem í 18 ár hefur stefnt einmitt að því að gera nákvæmlega það sem verið er að gera núna með þessu frumvarpi. Hvernig geta VG látið draga sig svona á asna eyrunum?

Það er heilög skylda Ríkisstjórnarinnar við þjóðina að gefa okkur kost á að kjósa um áframhald þess kerfis sem búið er að eyðileggja ekki bara efnahag heldur einnig heiðarleg gildi þessarar þjóðar eða Sóknarmarks. Sóknarmark er sanngjarnt fiskveiðistjórnunarkerfi sem hyglar engum fram yfir annan og mun skila ekki eingöngu verdun og uppbyggingu fiskstofnanna heldur einnig hámarka afrakstur miðanna. 

TAKA TVÖ Háskóli Íslands áróðursmaskína LÍÚ með áróðursþing í N132

Nú er seinna málþing Ragnars Árnasonar þar sem hann fer fyrir flokki Háskólamanna sem hann hefur komið sér upp innan HÍ til að freista þess að búa til trúverðuga kynningu í þeim tilgangi að slá ryki í augu fólks sem ekki er upplýst um eðli fiskveiðistjórnunnar. Hlutverk Ragnars er greinilega partur af plotti sem fámennisklíka innan LÍÚ hóf um 1995 þegar Kristján Ragnarsson og Þorsteinn Már Baldvinsson ásamt fleirum hófu skipulega aðför að skoðana myndum í kringum kvótakerfið og sjávarútvegin í heild.

Ferli þetta hefur haft slæmar afleiðingar ekki aðeins fyrir þá sem urðu fyrir barðinu á ofbeldi þessara manna heldur hefur þjóðfélagið í heild hlotið skaða af. Lítið samfélag getur ekki borið það að hópur manna sem öðlast hefur réttinn til að fara með helstu auðlindir þjóðarinnar og þar með öðlast peningaleg völd í krafti auðævanna noti áhrif sín til að sveigja skoðana myndun innan stjórnsýslunnar og í stofnunum þjóðarinnar. 

Þeir sem vilja verða vitni að niðurlæginu Háskólans ættu að drífa sig og mæta í N-132 og sjá sýningu Ragnars Árnasonar og félaga. Ef að líkum lætur verður farið með flott "show" þar sem farið verður á skjön við sannleikann og allt gert til að sanna að ef ekki verði farið að öllum kröfum LÍÚ verði hér hið mesta hallæri og allt fari á hausinn. Meira segja gengur Ragnar svo langt að lauma því að, að eignar réttur útgerðarinnar á öllum óveiddum fiski í sjónum, sé í raun það eina sem getur bjargað þessari þjóð frá gjaldþroti. Ranghugmynd sem ég held að flestir útgerðamenn láti sér ekki dreyma um að fara framá í dag.

 

HRIKALEGAR SKULDIR. HVERS VEGNA?

Þjóðarskuldir 20 milljónir á hverja 4 manna fjölskyldu.Og fleiri manns búið að tapa öllu sínu.  Skilur fólk hvað hefur komið fyrir í þjóðfélaginu? Skilur fólk hvernig þetta gat komið fyrir þessa framsýnu og duglegu litlu þjóð sem var fyrst þjóða að taka sér réttilega 200 sjómílna landhelgi og fá þar með einkarétt yfir einum auðugustu fiskimiðum heims?

Við vorum meðal fyrstu þjóða að stækka möskvann í veiðarfærunum og setja á virka fiskveiðistjórnun sem allir voru sáttir við. Menn í bjartsýni keyptu ný skip og jú við vorum skuldsett en bak við þær skuldir voru ný og glæsileg fiskiskip. Ef þessi feril hefði fengið að halda áfram fullyrði ég að við stæðum jafnfætis Norðmönnum í peningamálum. Sennilega ætti nú hver 4 manna fjölskylda 20 milljónir í auðlindasjóð og í stað 85 milljarða vaxta greiðslna fengum við 90 milljarða í vaxtatekjur á ári.

En hvað skeði haustið 1983?? Jú græðgi fárra sem ekki gátu hugsað sér að sitja við sama borð og aðrir í samkeppninni um fiskinn. Halldór Ásgrímsson gekk erinda nokkurra Sambands frystihúsa á norðurlandi og eyðilagði það verndunar starf sem farið hafði fram í 4 ár í velheppnuðu Sóknarmarki Matthíasar Bjarnasonar með setningu, til reynslu í eitt ár, kvótakerfi.

Þetta hefði svo sem verið í lagi ef Alþingi hefði hlutsað á aðvaranir sjómanna og afnumið kvótan eftir árið þegar sýnt var að reynslan var afspyrnu slæm. Annað hvort voru menn í verkleysu eða þeir sem náð höfðu að sanka að sér of miklum þorsk kvótum lögðust á smá fisk til að fylla kvóta "eignina". En samt fékk Halldór kvótakerfinu framlengt í 4 ár aftur til reynslu??

Nú var lítill kjarni innan LÍÚ búinn að fá smjörþefinn af möguleikunum sem fólust í kvótkerfinu og þrátt fyrir hrun þorskstofnsins vegna gegndarlaus smáfiska dráps í Berufjarðarál og fyrir Norðurlandi tekur Sjálfstæðisflokkurinn undir forystu Davíðs Oddssonar kvótakerfið upp á sína arma og undir hvatningu frá LÍÚ og Þorsteini Má lögleiðir ríkistjórn Sjálfstæðisflokks og Framsóknar frjálsa framsalið og undir ritar þar með gjaldþrota dóminn yfir Íslandi.

Þarna skildi milli Íslendinga og Norðmanna. Norðmenn hleyptu græðginni aldrei að heldur stofnuðu Olíusjóðinn þegar Íslendingar byrjuðu að dæla peningum út úr útgerðinni í stað þess að treysta undirstöður þjóðfélagsins. Davíð-isminn sem byggði á spilltu hugarfari og virðingarleysi fyrir þegnum þjóðfélagsins tók nú öll völd og þarf ekki að minna fólk á hvernig græðgin varð aðalsmerki en hlegið að þeim sem reyndu að veikum mætti að benda á hætturnar sem hlóðust upp. 

Ég hef aldrei skilið hvers vegna verið er að leiða Geir Haarde fyrir Landsdóm á sama tíma og Davíð Oddson hreykir sér sem ritstjóri og fer á eftir eftirmönnum sínum sem eru að freista þess að reisa þjóðfélagið úr rjúkandi rúst ríkisstjórnar Davíðs og Halldór Ásgrímsson sem enn er að hreykja sér af afrekum sínum. Að mínum dómi ætti að vera búið að dæma bæði Davíð og Halldór til að standa í gapastokk á Lækjartorgi þar sem fólkið sem misst hefur allt sitt fyrir afglöp þessara manna getur veitt þeim "virðingu sína".

ÞIÐ HEFÐUÐ ÁTT AÐ MÆTA Í ÁRÓÐURS SETUR LÍÚ. "HÁSKÓLA ÍSLANDS"

Eftir að hafa setið fyrra málþing Ragnars Árnasonar Hagfræði prófessors vakna þessar spurningar. Hvaða stöðu hefur Háskóli Íslands í samfélaginu? Hvaða kröfur eru gerðar til skólans og þeirra sem koma fram í hans nafni? Hver er ábyrgð og skylda skólans gagnvart samfélaginu? Er það forsvaranlegt að prófessor við H.Í. sé búinn að búa til lyga program og safna saman mönnum í kringum sig og þeir búa til einróma áróðurs kynningu sem á varla við nokkur rök að styðjast og fari með þennan áróður fram fyrir alþjóð sem á í miklum deilum útaf þessu umdeilda máli sem er kvótakerfið.

Nú þessi samstillti hópur var ekki að blása til málefnalegrar umræðu um kosti og galla kvótakerfisins né bjóða uppá aðrar og betri leiðir en þessa leið sem búin er að valda einu þjóðargjaldþroti. Nei í stað þess var öllum spurningum og fyrirspurnum eytt með útúrsnúningum. Markmið þessara "akademísku" fræðimanna var aðeins eitt að hér þyrfti ekki að ræða neitt annað en Kvótakerfi með framsali og "eign" fárra. Þetta væri eina sem þjóðin mætti leyfa sér annars væri hnignum óumflýjanleg. 

Ég verð að segja að mér hryllti orðið við þegar mér var orði ljóst hvers ég var vitni að þarna í sal N-132 í Háskóla Íslands. Hérna var í gangi áróðursvél fjögurra  manna sem greinilega var vel smurð og æfð í að taka af skarið og hundsa alla gagnrýni hvaðan sem hún barst og hverslags sem hún var.

Dæmi: Mannréttinda nefnd sameiniðuþjóðanna áliktaði varðandi íslenska kvótakerfið að það stæðist ekki reglur sambandsins um mannréttindi og fór atkvæðagreiðslan 6 - 12. Rök tveggja framsögumanna var að ekkert væri að marka þessa ályktun samtakanna þar sem 6 menn frá iðnríkjum hefðu áliktað með Kvótaerfinu en 12 þróunarlanda menn á móti (þeir væru bara vitleysingar) og því bæri íslendingum ekki að fara eftir ályktuninni þrátt fyrir að við værum aðilar að samþykkt sameiniðuþjóðanna! Leyfir Háskóli Íslands sér kynþátta hroka af þessu tagi? Styður Háskóli Íslands það að ályktun Mannréttinda nefndar Sameiniðuþjóðanna sé hundsuð á þeirri forsendu að 12 meðlimir frá þróunnar löndum ályktuðu gegn kvótakerfinu?

Annað var allt á þessa leið: Fullyrðing Ragnars: Í Sóknarmarki kunnu áhafnir togaranna Guðbjargar, Haraldar Böðvarssona, Ögra, Vigra, Snorra Sturlusonar og Kaldbaks ekkert að fara með fisk og skiluðu rusl fiski í land.

Lítum á: Hvað áttu þessi skip sameiginlegt fyrir utan að vera aflahæstu skipin í sóknarmarkinu. Þau voru líka með besta fiskinn og gerðu bestu sölurnar á mörkuðunum. Það er nefnilega þannig í Sóknarmarki að aflahæstu skipin eru með jafn bestu áhafnirnar sem kunna að ganga frá fiski og ef menn kunna á annað borð að ganga frá fiski þá ganga menn vel frá fiski hvort sem mikið fiskast eða lítið. Í dag er Sóknarmark með allan fisk á markaði ekki "Olimpíslarveiðar" Íslenskir sjómenn kunna að ganga frá fiski svona áróður á engan rétt á sér og lítilsvirðing á störfum Íslenskra sjómanna og það situr síst á fulltrúum  Háskólans að hafa upp svona málatilbúnað. 

Ef menn hefðu viljað fá sannleikann um samanburð á afkomu skipa í þessum tveim kertum hefði átt að taka  20 til 30 afla hæstu skipin í sóknarmarkinu til samanburðar. Menn voru mjög misjafnlega á veg komir að ná tökum að veiða á þessa tiltölulega nýju tækni "skuttogara" og var þróun á veiðarfærum hröð á þessum tíma og ný mið að finnast sem menn voru misfljótir að tileinka sér. Svo hér fer Ragnar vægast sagt vísvitandi með villandi staðhæfingar. Og lítandi í tímabilið 1984 til 1993 þegar frystiskipa væðingin var sem hröðust og bera saman við Sóknarmarkið þar sem öll skip voru á ísfisk veiðum er náttúrulega bara barnaskapur.

Jú víst voru skipin í Sóknarmarkinu orðin allt of mörg og fræg eru orð Steingríms Hermannssonar "þeir bara plötuðu mig". Kjartan Jóhannsson Sjávarútvegsráðherra hafði stoppað fjölgun skipa við 75 togara og var það sennilega álíka sóknarþungi og við höfum í dag nema hann var á Sóknarmarki þegar núverandi floti er á fullri sókn og frystitogarar núna sem ekki voru þá.  En að bera þennan nýja flota þar sem eignarmyndum var gífurlega hröð við marg afskrifuð skip í dag á náttúrulega engan rétt á sér í samanburði á tveim kerfum og sýnir svona málflutningur bara hver tilgangurinn með þessu málþingi er. 

Þetta málþing og framganga Ragnars í nafni Háskóla Íslands hlýtur að vekja menn til umhugsunar: Í hvaða tilgangi má nota Háskólann? Er ekkert siðferði eða verklag sem setur skólanum skyldur að vega og meta rök í þjóðar umræðunni með og á móti? Finnst fólki sem á þennan skóla að hagsmunasamtök geti náð fótfestu í innviðum skólans og notað starfsfólk hans í sína þágu til að móta einhliða skoðanir sem snerta þjóðarsálina? Best væri að Rektor eða Ráðherra menntamála skoðaði þessa framkomu því að hér er Háskólinn að taka afstöðu í stór pólitísku máli með öðrum deilu aðilanum. Þetta getur ekki verið rétt.

Þar kom að því Ragnar Árnason málpípa LÍÚ er með Málþing á kostnað skattgreiðenda

Nú verða allir að mæta og hlusta á bullið sem vellur  ætíð upp úr Ragnari Árnasyni professor þegar hann fjallar um kvótann og "fiskveiðistjórnun". Nú getur fólk mætt og heyrt hvernig útgerðamenn eru að reyna að leika blekkingarleik sem fellst í að tuða á sömu lyginni aftur og aftur þangað til lygin er orðin að sannleika hjá þeim sem ekki eru inní málinu sem um er fjallað.

Útgerðamenn eru með menn eins og Ragnar Árnason prófessor til að freista þess að gefa lyginni meira vægi og eflaust hefðu þeir fengið hæstaréttar dómar ef þeir væru ekki svo önnum kafnir við að hreinsa skítinn eftir þjóðargjaldþrotið sem varð af völdum framsals kvótans sem Ragnar ætlar að dásama fyrir okkur á eftir. Kannski ætlar Ragnar líka að segja þjóðinni hvenær við fáum næsta gjaldþrot af völdum kvótakerfisins?

Sýndar leikur þessa fólks er búinn að eiga sér stað núna í 18 ár eða síðan framsalið var sett á. Þetta hefur gengið út á að þagga niður í öllum andmælenum kvótans með fantaskap sérstaklega innan greinarinnar og hafa menn verið reknir úr störfum eða hótað brottrekstri, farið í fyrirtæki  með hótunum um viðskiptaþvinganir til að fá menn rekna og jafnvel farið í fyrirtæki til að koma eigendum út úr þeirra eigin fyrirtækjum. Bankar hafa verið notaðir til að sölsa undir sig kvóta minni kvótahafa og ritstjórum blaða hótað ef ekki eru stöðvuð skrif vissra manna sem reyndu að segja sannleikann um kvótann. Já lesandi góður þetta er sannleikurinn um þessa menn. Þetta er Ísland í dag.

Það sést strax hvert stefnir hjá Ragnari og félögum og geta menn lesið í auglýsingunni. Sjá "Kvótakerfi og hagkvæmni í sjávarútvegi" en ekki "kvótakerfi hagkvæmni og óhagkvæmni" í sjávarútvegi"!!! Er engin óhagkvæmni af veiðum í kvótakerfi? Ragnar ætlar sér ekki að svara því...það er ekki í textanum frá Máa. (sjá glæru)

Ætli þetta sé ekki á kostnað skattborganna sem ekki vilja kvótann?

Gæti orðin hin mesta "akademíska" skemmtun að heyra bullið í þessum mönnum sem þykjast allt vita  en hafa aldrei mygið í saltan sjó. 

Vonandi verður Skúli Skúlason rector viðstaddur og sér í gegnum þetta falska einlita sjónarspil. Hverjum dettur í hug að setja upp svo "áróðurs" málþing" þegar kristaltær vilji þjóðarinnar liggur fyrir. Er það í hlutverki HÍ að hundsa svona vilja og skoðanir meirihluta þjóðarinnar og gefa skít í staðreyndir um afleiðingar kvótakerfisins á íslenskt samfélag. 

RÍKISTJÓRNIN Á VESTFJÖRÐUM OG FRJÁLSAR HANDFÆRAVEIÐAR

Nú þegar ríkisstjórnin er í opinberri heimsókn á Vestfjörðum rifjast upp atburður fyrir 18 árum þegar Davíð Oddsson þá Forsætisráðherra fór í opinbera heimsókn til Samherja. Þá gaf Davíð Þorsteini Má og félögum frjálsa framsalið. Þetta ættu þau í ríkisstjórn Jóhönnu Sigurðardóttur að hafa í huga núna þegar þau halda ríkisráðsfund á Ísafirði. Væri ekki úr vegi að gefa nú íslendingum og þeim landsfjórðungi sem mestu hefur tapað á kvóta-vitleysunni frjálsar handfæraveiðar?

Og nota síðan tímann til að semja frumvarp til laga sem bannar allt sem heitir kvóta stýring í landinu um alla ókomna framtíð. Því sannanlega hefur duglegasta þjóð í heimi aldrei verið svívirt eins mikið og með setningu kvótalaganna. Á fiskveiðar eða í landbúnaði. Kvóta stýring í hvaða mynd sem hún birtist verður alltaf til trafala hjá þjóð sem er jafn harðdugleg og framsækin og Íslendingar. Er ríkisstjórn Jóhönnu Sigurðardóttur ekki ríkisstjórn Íslendinga?  Eftir hverju er þá að bíða?

Vita skulu menn að Vestfirðir og S-Vestur hornið munu blómstra sem aldrei fyrr ef farið er aftur í Sóknarmark. Það er ekkert sem réttlætir eitthvert plott inná þingi í þeim tilgangi að viðhalda hér kvótakerfi í einhverri skrípa mynd sem þessi samningaleið er. Með framkomu sinni gagnvart þjóðinni hafa útgerðarmenn fyrirgert öllum rétti til að þeim sé rétt þessi samningaleið eða frestur á afnámi kvótans. Ef útgerðamenn treysta sér ekki til að gera út á sóknarmarki fara þeir bara eitthvað annað nóg er af fólki á Íslandi sem vill vinna og gera út. Þetta er einlægur vilji meiri hluta þjóðarinnar.

Afnema kvótan og setja á sóknarmark..... aðeins eitt pennastrik

Gaman verður að sjá hvort hægt er að hrista doðann af ríkisstjórninni. Krafan fyrir Vestfirði er skilyrðislaust að afnema kvótann og setja á Sóknarmark. Lítið mál ætti að vera strax á morgun að gefa handfæraveiðar frjálsar að nýju til að gefa fólki kost á að bjarga sér strax.

 Verður gaman að fylgjast með hvað kemur út úr þessu. Er þessi ríkisstjórn afturenda bulla útgerðarmanna eða hópur fólks sem vill framfarir fyrir fólkið í landinu. 

Ríkisstjórnarfundur á Ísafirði

KRÓKAVEIÐAR FRJÁLSAR ÞEGAR Í STAÐ

Hvað er í gangi á Alþingi. Það liggur ljóst fyrir að kvótinn var settur á trillurnar eingöngu til að hækka verð á kvóta og freista þess að fækka aðilum í greininni. Verndun á fiskstofnum kemur handfæraveiðum ekkert við. Ef ekki er til ætur fiskur fyrir handfæra veiðar er ekki búandi á þessu landi þá er hægt að leggja niður allt sem heitir útgerð.

Það var hlegið að þessari aðgerð þegar Kristján Ragnarson stóð fyrir að koma þessu á svo fíflalegt fannst mönnum þetta. Núna svelta byggðirnar og fólk grátbiður að fá að bjarga sér. Gefið aftur handfæraveiðar frjálsar svo fólk á landsbyggðinni geti haldið reisn sinni. Alþingismenn og ríkisstjórnin geta lagst í duftið fyrir útgerðar mafíunni en þarf ekki að draga okkur þjóðina með sér. 

Það er algerlega ófært að Alþingi ætli að standa við bakið á útgerðinni og hjálpa þeim að gera alla sem vilja koma að útgerð að leiguþý þessa fólks. Miðaldir eru liðnar það er komin upplýsinga öld þar sem fólk sættir sig ekki við svona óréttlæti. Á að þvinga þjóðina í blóðuga byltingu til að nái rétti sínum gagnvart siðlausri útgerða klíku.Hvað er að ske á Alþingi? Hverra erinda gengur þetta fólk eiginlega?

Hvað varð um hetjurnar?

Um áramótin reis upp alda fólksins í kjölfar skeleggar framkomu Forsætisráðherra þar sem hún lýsti ríkisstjórnina reiðubúna að fara gegn ofurefli útgerðar aðila og gera róttækar breytingar á fyrirkomulagi fiskveiðistjórnunnar. Gaman var að sjá hve meðbyr í kjölfar þessarar yfirlýsingar var öflugur og mátti ráða að forsætisráðherra myndi nýta sér þennan meðbyr til að láta nú loksins að sér kveða.

En hvað svo? Sjávarútvegsráðherra er horfinn og Jóhanna og Ólína láta eins og ekkert sé? Er það virkilega svo að plott sé í gangi milli Samfylkingar og útgerðar með milligöngu Sjálfstæðisflokksins? Er lágkúran slík á Alþingi að þjóðin sé hundsuð svona til að flokkspólitískt plott geti gengið í gegn?

Núna gengur þjóðin til þjóðaratkvæðagreiðslu og er það vel en aflverju í kjölfar þess sem á undan er gengið er ekki gripið til þess að spyrja þjóðina hvort hún sé hlynnt skrípa samningaleið eða aftur til sóknarmarks. Hvernig getur Alþingi svívirt þjóðina svona trekk í trekk?

Ef Samfylkingin er að rotta sig saman við Sjálfstæðisflokkinn og notar til þess kvótann setur hún sig í flokk með Sjálfstæðisflokki og Framsókn sem frömdu glæp gegn þjóðinni með verndun kvótans í trássi við þjóðina. Það er hreint hneyksli ef farið verður í samninga við útgerðina um áfram hald kvótans eftir að útgerðin er búin að reyna í tvígang að svívirða þjóðina með hótunum um þvingunar aðgerðir sem kostað hefðu slasað þjóðarbúið milljarða. Er ekki nóg að hér sé atvinnuleysi sem aldrei fyrr og fleiri fjölskyldur eignalausar út af kvótakerfinu? Ætlar fólk aldrei að viðurkenna meinið í þjóðfélaginu?