Saga úr kvóta og útgerðarsögunni. Svona hefur þetta alltaf verði skipulagt.

Sæll Ólafur Langaði að nefna við þig, eftir lestur á færslu á blogginu. þannig var að 1985 gerðist ég sjómaður bara til þess að komast að því að ég var ekki sjómaður, en þarna fór ég á net um vorið og höfðum við 150 tonn til að veiða og var bara sótt látlaust þangað til að þessi tonn voru komin.

Eftir netaveiðina munstraði ég mig á 150 tonna eikarbát sem gerði út á botnvörpu þetta var eins og að fara 40 ár aftur í tíman en þarna voru miklir peningar og við vorum ekki að fást um aðstöðu maður kom í land og kallinn skrifaði tékka og fjörið hófst. þetta var sjálfstæð útgerð sem var rekinn við eldhúsborðið og fjölskyldan sá um allt til að mynda bókhaldið, þessi útgerð gekk vel og sérstaklega þarna arinn 83-84 og sýndi bókhaldið hagnað þessi tvö ár og hjónin í skýjunum

En þá kom bréfið þetta bréf var frá skrifstofu LÍÚ þar sem þau voru skömmuð fyrir að reka útgerðina með hagnaði þar sem það kæmi illa út fyrir útgerðir í landinu að sína hagnað, í bréfinu voru upplýsingar hvernig konan á heimilinu ætti að fiffa til bókhaldið til að sína fram á tap.

Þarna á þessum tíma virðist vera búið að setja línurnar fyrir næstu þrjátíu ár sem virðist eiga að innsigla núna í vor. Langaði bara að koma þessu á þig þar sem ég tel að þetta hafi allt verið skipulagt í þaula frá upphafi kvótasetningar.

KÆRU VINIR Ég bið um fleiri sögur. Sendið á mig og ég birti. Komum upp um þau.

Athugasemdir

[Atli Hermannsson., 16.2.2015 kl. 19:08]

Á Þessum árum var 49% tekjuskattur. Sem veiðarfærasölumaður get ég staðfest að desember var alla jafna besti mánuður ársins. Þá keyptu menn t.d. togvíra og troll þó þeir þurftu ekki á því að halda fyrr en um vorið. Þá skrifaði maður gjarnan út nótur fyrir einhverju sem kannski átti eftir að panta erlendis frá - allt gert til að búa til kostnað fyrir áramót. Þá skildi ég aldrei af hverju flestir togararnir fyrir vestan versluðu t.d. allar keðjur og togvíra hjá ákveðinni verslun á Ísafirði á miklu hærra verði en þeir gátu fengið sömu vöru fyrir sunnan.....Þeir hljóta að hafa séð sér einhvern hag í því