Svikin sem falin eru í nýja kvótafrumvarpinu.

Nýtt kvótafrumvarp þeirra Steingríms og Björns Vals er búið að eiga langa fæðingu. Það tók strax furðulega stefnu þegar ákvarðanir voru allt í einu komnar í hendur svokallaðar "sáttanefndar" þar sem var einarður kvótamaður í nánast hverju rúmi en enginn fulltrúr eiganda fiskimiðanna þjóðarinnar þar sem viljinn er krystal skýr AFNÁM KVÓTANS.

Frumvarpið leiðir kvótamálið í það versta sem eigandinn getur hugsað sér að samþykkja því með tveim liðum  í frumvarpinu er auðlindin öll færð í hendur núverandi kvótahafa tll eilífðar.

Í niðurlagi 11 gr frumvarpsins segir.

Ráðherra skal eigi síðar en  í Desember 2016 leggja fram á Alþingi frumvarp til laga um breytingar á lögum þessum þar sem mælt verði fyrir um ráðstöfun nýtingarleyfa og aflahlutdeilda að liðnum þeim tíma sem ákveðinn er í 1. mgr ( 20 ára ) 

Eins og sést er þarna notuð orðin nýtingarleyfa og aflahlutdeilda orð sem útgerðin vill að sé notuð. Af hverju? Jú eins og kemur síðan fram í fyrstu athugasemd er verið að skilyrða að eftir 20 ári (Afabörnin) á að skilyrða þjóðina til að viðurkenn að menn eigi nýtingarleyfi og stjórni sé kvóti en ekki t.d. sóknarmark. 

Stjórnarliðar sem eru á móti kvótakerfinu en ætla sætta sig við þessi svik sem málamiðun hampa KVÓTAÞINGI frumvarpsins. Þar sem er frá líður gæti orðið um umtalsverða aukningu að ræða á fiski sem hægt er að kaupa á markaði á skip í FLOKKI 2.  En þarna er gildra númer 2 stórútgerðirnar mega kaupa í þessum potti ef þær færa eitt skip yfir í FLOKK 2. Og þá kemur fram í niðurlagi 18 gr.

Ráðherra leggur fyrir Alþingi eigi sjaldnar en á þriggja ára fresti í fyrsta sinn fyrir 1 febrúar 2016 tillögu til þingsályktunar um meðferð og ráðstöfunar aflahlutdeilda  í flokki 2 til allt að sex ára.

Þarna geta stórútgerðanna með 20 ára nýtingarrétt á 80 % auðlindarinnar náð sér í rétt til að veiða þær auknu aflaheimildir sem áttu að hluta að renna í KVÓTAÞINGIÐ og á sex ára fresti náð sér í þær heimildir eftir leikreglum markaðarins þar sem þeir eru með forskot á aðrar útgerðir og vinnslur. 

Síðan er eitt enn sem sker í augu í þessu sambandi. Það er ekki skyldað að neinn fiskur fari beint á markaðina. Sannarlega hefð átt að skikka allan fisk á markað í það minnsta þann fisk sem fara á i gegnum kvóta þingið.

En eins og sést á þessu þá er hér verið að ganga þvert á vilja meirihluta þjóðarinnar þar sem stór útgerðin á að fá allan fisk fyrir utan fáránlegt strandveiði kerfi í sínar hendur. 

Ef bara væri litið á KVÓTAÞINGIÐ sem átti að vera leið nýliðunnar þá eiga kvótahafar eða tengdir aðilar alls ekki að fá að koma þar nærri nema þeir leggi kvóta sína inní kvótaþingið. Það væri til að mynda leið til fyrningar að láta alltaf meira og meira renna í kvótaþingið og þrengja að útgerðunum þar til þeir stæðu frammi fyrir því að velja kvótaþing eða "eigin" kvóta sem smám saman myndi minnka.