Frumvarpið er mestu svik við þjóðina sem sést hafa á Alþingi

20 ára úthlutun á kvótanum er versti glæpur sem framin hefur verið á Alþingi síðan Halldór Ásgrímsson afnam besta fiskveiðistjórnkerfi veraldar og gekk erinda nokkurra Sambandsfrystihúsa og beitti þingið yfirgangi til að koma kvótakerfi á "til reynslu".

Aldrei í 30 ár hefur verið sátt um þetta arfavitlausa kerfi sem getur aldrei gagnast til að ná tilgangi fiskveiðistjórnunnar að hámarka afrakstur miðanna. Meiri hluti þjóðarinnar hefur alltaf verið á móti kvótakerfinu og spillingunni sem þrífst í kringum þetta kerfi og má segja að andstaðan hafi aldrei verið meiri en nú kemur fram í síðustu þjóðaratkvæðagreiðslu þegar 83 % þjóðarinnar lýsti andstöðu við kvótakerfið.

  Hingað til hefur þjóðin mátt standa hjá og bíða færis að komast í aðstöðu til að afnema þennan ófögnuð og óréttlæti eins og virtist standa til í upphafi þessa kjörtímabils þegar stefna ríkisstjórnarinnar var að afnema þessa endaleysu og spillingu en í staðinn bjóða svikarar upp á 20 ára kvótakerfi og spillingu. Fólk verður að skilja að það liggur glæpsamlegt ferli að baki því sem átt hefur sér stað í kringum kvótann og lántökurnar sem stundaðar hafa verið. Menn hafa verið beittir ofbeldi og þöggun hefur verið keyrð í gegn. Á þessu byggist að við sitjum enn uppi með þetta kerfi sem er nú til meiri óþurftar en nokkru inni fyrr.

Nýtt kvótafrumvarp lagt fram

Athugasemdir

[Steingrímur Helgason, 1.2.2013 kl. 00:52]

Kórrétt.
Hafðu þökk fyrir þorið.

[Sigurður Haraldsson, 1.2.2013 kl. 01:13]

Heyr heyr! Við öskrum á breytt stjórnkerfi á landi voru!

[Ólafur Örn Jónsson, 1.2.2013 kl. 19:16]

Þakka ykkur innlitið strákar. Já hér verður eitthvað að breytast.