Siðferði Sjálfstæðismanna

Í viðræðum og samskiptum við Sjálfstæðismenn hef ég verið að rekast á furðulegar fullyrðinar um menn og málefni og greinilega hefur komið fram í þessum samskiptum og ummælum annarra Sjálfstæðismanna þessar skrítnu fullyrðingar sem gera manni ljóst að svona er talað um menn og málefni innan þess hóps sem flykkir sér nú í kringum forystu flokksins.

 

Fullyrðingar eins og þingmenn séu eingöngu bundnir af sannfæringu sinni og geti hvenær sem er gefið skít í kjósendur flokksins þegar þeim eða mönnunum bak við tjöldin hentar.

Upphrópanir eins og viltu verða "eyðilagður" eða "lemur þú ennþá konuna þina". eins og HHG sagði við óþægilegann viðmælanda á beinni línu. (Sem ekki átti neina konu!)

 

En hvernig á þetta öðruvísi að vera eftir 30 ár með Davíð sem æðsta mann flokksins og dominerandi prímus motor. Mann sem notaði stórfyrirtæki Reykvíkinga BÚR til að hysja buxurnar upp um gjaldþrota flokksmenn og gera þá stór ríka hluthafa í Granda á kostnað bæjarbúa.

Manninn sem sveik kjósendur sína þegar hann í kosningaloforði lofaði kjósendum að afnema kvótakerfið og moka Framsóknar flórinn en sveik Sjálfstæðismenn fyrir litla klíku útgerðarmanna sem rottuðu sig að baki K.R. í þeim tilgangi að ná að einoka sjávarútveginn og nota kvótann til að draga fé út úr ríkisbönkunum.

Er það ekki siðleysi að ekki skuli upplýst um 500 milljarða sem hurfu sporlaus úr Seðlabankanum korter fyrir hrun?

Sorgarsaga Davíð-ismans er ein endalaus saga siðleysis og spillingar og greinilegt er að þannig er andrúmsloftið ennþá innan flokksins. Ég vil endilega hvetja þá sem virkilega ætla sér að kjósa þessa aðila að kafa aðeins dýpra og hlusta eftir athugasemdum þeirra um samtímamenn sína og andstæðinga í pólitík.

Ég lærði ungur að þeir sem ekki kunna að bera virðingu fyrir öðrum kunna ekki að bera virðingu fyrir sjálfum sér. Þetta sýnist mér meira og meira eiga við um forystumenn og talsmenn Sjálfstæðisflokksins því miður.

 

Ég greiddi Davíð Oddssyni aðeins einu sinni atkvæði mitt vegna augljóss siðleysis sem ég leið ekki. Því miður virðist siðleysi formannsins fv enn fljóta yfir vötnunum í Valhöll.

 

PS Spyrjið sjálf ykkur ef ritstjóri dagblaðs, sem ber að allar greinar verði birtar sem blaðinu berast, hringir í fant í þeim tilgangi að hótast við höfund innsendrar greinar og reyna að fá greinina stöðvaða. Er hægt að hugsa sér meira siðleysi og ómerkilegheit?