Glæsileg Sjávarútvegssýning. Íslenski sjómaðurinn sennilega það verðmætasta sem Ísland á

Eins og íslenskir sjómenn eru frægir víða um heim fyrir mikla afkastagetu og kænsku við veiðar eru framleiðendur hinna ýmsu tækja og tóla þekktir og virtir á sjávarútvegsheiminum. Það er gaman að koma og skoða íslensku sjávarútvegssýninguna og verða vitni að öllum útlendingunum sem koma hingað til að læra af Íslendingum hvernig á að veiða og nota sér íslenskan tæknibúnað til að auka aflann, gæðin og nýtinguna. Það hefur mikill auður orðið til í samvinnu við íslenska sjómenn meiri en bara gæðafiskur sem borinn er að landi.

 

Að taka fiskinn og EINOKA eignarhaldið á sjósókninni er glæpur gegn þjóðinni og sérstaklega gegn þeim sem gera sjómennsku að ævistarfi. Íslendingar eiga að ganga skrefi framar en aðrar þjóðir og færa eignarhald útgerðarinnar sem næst veiðimanninum. Þannig tryggjum við að sem mest alfaverðmæti fáist og arðurinn renni sem víðast um samfélagið.

 

(Er þetta ekki stefna Sjálfstæðisflokksins?) (Hvers vegna ekki?)

 

Eftir að mér var bolað frá veiðunum var ég svo heppinn að fá starf við að ferðast um heiminn og kynnast fiskveiðum um allan heim. Það sem ég lærði var að því nær sem fiskimaðurinn er eignarhaldi skipsins því arvænlegri var útgerðin. Þar sem fjarlægð var á milli eigenda og áhafna eins og til dæmis í Japan, Rússlandi og Spáni var mikil hnignun og voru þeir langt á eftir Íslendingum í tækni og afköstum. Á hinn bóginn í Írlandi, Skotlandi og í Færeyjum voru menn fremri okkur Íslendingum á mörgum sviðum enda eignar hald á skipum eins og var í Sóknarmarkinu. Því miður er staðreyndin sú að sárafáir sem eru í fyrirsvari útgerða hafa eigin reynslu að byggja á  og hafa  því lítið erindi í útgerð. Þetta er svona með margan annan rekstur en er sérstaklega áberandi í útgerðinni. 

 

Nú þegar sjórinn er fullur af fiski sem ekki má veiða og markaðirnir sveltir á tafarlaust að afnema kvótakerfið og færa fiskimanninn aftur nær eignarhaldinu og gefa aflamönnunum lausan tauminn til að hægt verði að sigla þessari góðu þjóð útúr ólgusjó spillingar og græðgi og færa henni aftur arðinn af auðlindinni.  Sóknarmark öfugt við Kvótakerfi byggist á að rækta miðin og nýta á skynsaman hátt um leið og það gerir öllum sem aðkoma jafn hátt undir höfði.