Skítugar krumlur óðagræðginnar eru að eyðileggja þetta þjóðfélag. Lyga áróður er nú sannleikurinn.

Nú er skylt hverjum Íslending að fylgjast vel með ummræðunni um kvótann og sérstaklegar þegar kemur að framsali aflaheimilda. Þeir sem lýsa því yfir að afnám framsals afla heimilda sé skref aftur á bak eru að segja að þeir leggi blessun sína yfir hreinan fjárdrátt. Þessa menn skulu kjósendur leggja á minnið því þegar hulunni verður svipt af því sem farið hefur fram í kvótaveð-lána-rúllettunni þá er eins gott að þessum spillingar vörðum sé ekki hleypt aftur til valda. 

Lygavefurinn sem er verið að vefja um framsalið er yfirgengilegur og skulu menn bara skoða að verð á öllum kvótanum er um 130 milljarðar og búið er að fækka skipum um helming í "hagræðingarskyni" en búið er að taka yfir 250 milljarða út á þessar "hagræðingar". Ef helmingur aflamarksins er færður á hinn helming eigenda hefði það átt að kosta 75 milljarða???

Ekki seinna en núna þarf að hefja nákvæmnis rannsókn á hvernig öll kvótaviðskipti hafa farið fram frá fyrsta degi framsalsins. Hvernig lán voru gjaldfellda á minni kvóta eigendur og bankarnir notaðir til að gera kvóta upptæka og selja öðrum útgerðum. 

Fara í hvert einasta mál og sjá hvernig veð voru notuð til að búa til marfeldi með að lán fengið til kvótakaupa var síðan veðsett aftur og aftur til að bæði leysa menn út úr útgerðinni með milljarða í vasanum hefja í fjárfestingar í öðrum greinum. 

Hagfræðingar koma nú fram hver á fætur öðrum, flestir leigupennar LÍÚ sem sér um fjármögnun áróðursdeildar HÍ  og segja okkur að einokun sé besta og arðsamasta rekstrarfyrirkomulag sjávarútvegins? Síðan kalla þeir kvótakerfið markað fyrirkomulag. Og fjárdráttin í kringum kvóta-veð-lánin kalla þeir nauðsynlega hagræðing. 

Kallast nauðsynleg hagræðing að  veðsetja kvótann á fullu verði án þess að taka tillit til útgerðkostnaðar við að veiða fiskinn! Hvernig stóð á að bankarnir tóku við þessu sem fullgildu veði? Skilja bankastjórar ekki að það verður að veiða fiskinn?

300 milljarðar af lífeyrissjóðunum okkar hurfu í bönkunum! Skyldi það eitthvað tengjast þessari nauðsynlegu hagræðingu eða fóru okkar peningar bara til "money heaven"?