GRÆÐGING OG HEIMSKAN! Nú kemur berlega í ljós hverjir eru slefberar kvótahafanna.

Fyrir 15 árum sagði ég opinberlega að aðeins tvennt fengi menn til að mæla með kvótakerfinu"annars vegar GRÆÐGI og hins vegar HEIMSKA". Hver leigupenni LÍÚ eftir annan hafa farið mikinn í blöðum. Lesi menn þessar langlokur sjá þeir rölleysuna sem þeir setja fram og vita að ÞAÐ ERU ENGIN RÖK SEM MÆLA MEÐ KVÓTAKERFINU.

Nú ætlaði ríkisstjórnin að krafsa í bakka óréttlætisins en því miður fór hún af stað á röngum fæti. Að láta það í hendurnar á mönnum sem hlynntir eru KVÓTAKERFINU  sem slíku var sett á stofn sátta nefnd skipuð mönnum sem sátu allir sömu megin við borðið. Kvótamegin. 

Ég hvet fólk sem áhuga hefur á fiskveiðistjórninni og úthlutunum veiðiheimilda til að lesa skýrslu starfhópsins. Þar kemur til dæmis fram að LÍÚ sest ekki í slíkan sátta hóp nema búið sé að gera upphafs orð "skýrslunar". "Hópurinn ályktar að framseljanlegt aflamark sé farsælasta stjórnun fiskveiða"! Og getur þá hver maður séð að ekkert er að marka útkomuna. 

Staðreyndin er að þjóðin skuldar útgerðinni ekki neitt. Í landinu í dag eftir mörg góðæri til sjávar og markaða skuldugasta útgerð í heiminum og alstaðar væri atvinnugrein með álíka skuldir sögð gjaldþrota. 

Friðrik Argrímsson viðurkennir í Mbl í dag að þessar skuldir voru teknar út á margföld kvótaveð þar sem kvótinn var notaður sem skíra gull. En kvótinn var aðeins hugtak en ekki skýragull svo það eru engin veð fyrir þessum skuldum nema menn vilji nefna eldgamla ryðdalla sem flesti eru úr sér gegnir.

Nú er aftur á móti komið fram frumvarp sem því miður byggir áfram á aflamarkleiðinni en hótað að taka verulega á úthlutunar reglum og freista þess að koma í veg fyrir eignarhald útgerðanna á kvótanum. þá rís hver slefberi LÍÚ á fætur öðrum upp og spáir Ragnarökum og takið nú vel eftir hverjir þetta eru því þetta er hópur manna sem veit betur en GRÆÐGIN frekar en HEIMSKA ræður. 

Maður verður hissa á að sjá nafn eins og Þorsteinn Pálsson í hópi með þekktum slefberum eins og Árna Bjarnasyn en báðir segja þeir það skref afturábak fyrir þjóðfélagið að einokun LÍÚ og LS sé rofin. Hvað fær menn eins og þá Árna og Þorstein sem vita betur að fara með svona málflutning. Einoku er eingöngu góð fyrir þann sem heldur á einokunni og vildar þenn þeirra. Hvað með þjóðina og komandi kynslóðir?

Menn skulu taka vel eftir þeirri hersveit manna sem leggjast gegn tillögum um breytingar á fiskveiðistjórninni því þeir eru í spillingarsveitinni sem styður fjárdráttinn og spillinguna sem átt hefur sér stað í kringum útgerðina síðastliðin 15 ár og var upphaf þess ástands sem hér er í þjóðfélginu í dag og er dragbítur á að komast til batnandi krjara fyrir almenning.