SVONA ER ÍSLENSKA SÓKNARMARKIÐ SEM ER BÆÐI RÉTTLÁTT OG HAGKVÆMT

Hvað er átt við með Sóknarmark? Hvernig getur Sóknarmark sameinað hvoru tveggja byggja upp stofnana og tryggja hámarks nýtingu?

Sóknarmark byggir á hámarksstærð flotans. T.d. í Sóknarmarkinu var sett stopp á innflutning í 75 skipum og hélt það í eitt ár að Steingrímur "lét plata sig" að eigin sögn og skipin fóru í 130 togara. Þessi tala 75 til 80 skip myndi ég halda að væri rétt stærð á flotanum. Hér yrðu þá stopp dagar sem tækju pressu af sókninni og réðu menn þá hvernig þeir eyddu þessum stopp dögum. Fara í Úthafið, fara á önnur mið, sigla með aflann, eða bara halda útgerðakostnaði í lágmarki og áhöfn fengi að vinna við viðhald. Ríkið skiptir sér ekkert af þessu en hjálpar til dæmis þeim sem sækja á önnur mið með að þeir megi taka alla stoppdaga í einu. Við skulum ekki gleyma að afli verður bæði meiri vegna annars vegar einskis brottkasts og aukinn afli mun óhjákvæmilega verða flest árin.

Nú þarf að stýra sókninni. Hvenær skrapfiskur (hvenær 5 % þorsk, 10% þorsk, 15 % þorsk í afla) og síðan  hvenær þorskdagar þetta má ákveða eftir túrninn og var það mjög þægilegt þar sem þá var hægt að teikna það sem var hagkvæmast. Sá fiskur sem ekki passaði inní var gerður upptækur til ríkisins.  Þetta verður alltaf útsjónasemi útgerðar og skipstjóra og kemur Ríki ekkert við. Nú með þessu ef góðæri er í hafinu eins og núna þá berst meira af fiski á veiðidögunum en þegar minna er af fiski berst minna í land (sjálfvrikt). Ekki er legið á smá fiski þar sem fiskur fer á markað og allur fiskur er fyrstaflokks þar sem allt fer á markað. Eins og kom fram í Sóknarmarkinu voru aflahæstu skipin einnig með besta hráefnið sem sýndi sig á mörkuðunum. Dreifing á löndunum mun eins ráðast af mörkuðum. Nú er markaðskerfi um allt land og vegir orðnir betri svo ekki þarf að óttast að ekki verði góð dreifing á afla vitt og breitt um landið. (Ég kom eitt sinn með 310 tonna farm að landi á markaðinn í Reykjavik og í stað þess að verð myndi falla eins og spáð var fékk ég hæsta verð sem nokkru sinni hafði fengist fyrir einn farm. Aflinn var karfi og ufsi!!!! Ekki þorskur! Þarna kom saman áhöfn og útgerð og áttum við hæstu sölu í heimi í Þýskalandi hæstu sölu í Englandi og hæstu sölu á Íslandi á sama tíma) svo hvorki ríkið né LÍÚ  þarf  að stjórna hvernig á að gera hlutina þótt sumir haldi því fram. Best að þetta fólk geri það sem það kann og láti sjómenn um veiðina og meðferð afla. Ég veit ekki hversu mikið er kennt í veiði og aðgerð í Háskóla Ísland eða öðrum menntastofnunum enda ekki menntun fókusuð á það.

Nú höfum við notað Kvótakerfi í 27 ár og höfum við aldrei náð sambærilegri veiði eins og afkastageta miðanna á að geta gefið miðað við árin fyrir stækkun landhelginnar. Margsinnis hafa komið ár sem sjómenn hafa reynt að benda á að það sé fiskur um allan sjó og spyrja afhverju ekki má veiða? Því miður hefur spilling í kringum veðin í bönkunum og kvótarúllettuna gert það að verkum að LÍÚ hefur náð taki á úthlutun á aflaheimildum og í þeim tilgangi að ekki verði hugsanlegt offramboð á kvóta og kvótaverð lækki hefur aflamarki verið haldið í lágmarki. Sama átti við þegar kvóti var settur á frjálsar handfæraveiðar ekki mátti vera opinn aðgangur að óveiddum fiski.

Í sóknarmarki leyfðu sjávarútvegsráðherrar sér að auka við ráðlagðar aflaheimildir ef ástæða þótti til. Það má lengi fara varlega án þess að stórskaði verði að. Hér verða áfram sjálfbærar veiðar og undir stjórn enginn þarf að efast um það. Þessi della sem átt hefur sér stað varð til þess að þegar lægð kom svo í þorskveiðina í Barentshafinu komust bæði S-Ameríka með Hake og Seattle með Alaska Ufsa inn á hvítfisk markaðinn í Evrópu í rosa magni og á lágu verði þetta stór skaðaði verð á þorski svo sveltur markaður er ekkert sérstaklega góð markaðssetning. Sjá vitleysuna varðandi 10 ára síldveiði bann.  

Núna halda margir að það hafi verið Sóknarmarki að kenna að við vorum með gengisfellingar. Í Sókmarmarki með allan fisk á markað þarf ekkert að "putta" gengið. Menn í Sóknarmarki eru í útgerð til að standa sig í samkeppni og standa og falla með sjálfum sér. Menn bera ábyrgð á því sem þeir gera en eru ekki að plotta hvernig þeir fá pening fyrir ekki neitt.

Menn segja að samkeppni hleypi kostnaði upp úr öllu valdi. Hvað kemur ríkinu við hvernig menn reka sín fyrirtæki. Það verður samkeppni já hvað með það? Er ekki Lýðræði í þessu landi? Á ríkið þá að segja mönnum hver á að lifa og hver á að deyja í einni atvinnugrein en ekki annarri?

Eigum við að reka arðvænasta sjávarútveg í heimi? Aukum þá samkeppni við veiðarnar og á markaðinum og við munum sjá arðinn af greininni flæða útum æðar þjóðfélagsins.  Sköpunarkraftur þeirra sem landið byggja og vilja vinna mun keppa við þá sem sitja á rassgatinu í Reykjavik og á Akureyri og allir sem vilja njóta þeirra forréttinda að vinna í sjávarútvegi verða að hafa sig alla við að gera sem best úr aflanum að við munum sjá hámörkun á útflutnigs verðmætum. Og það sem er mest um vert er að við munum sjá hagvöxt fólksins um allt land vaxa sem síðan mun skila sér sem traustur hagvöxtur þjóðarinnar gagnvart öðrum þjóðum. Við munum í stað skuldasöfnunar LÍÚ safna í sarpinn ásamt að borga skuldir okkar.

Hvað með olíu félögin og núna gosdrykki og bygginga vörur. Þetta er helmingi verra í sjávarútvegi. þetta stenst hvorki siðfræði né mannréttindi. Hér er verið að fremja glæp og Alþingi ætlar enn einu sinni að leggja blessun sína yfir þessa svikamillu og óþverraskap. Hvernig getur fólk sitið á Alþingi aðgerðalaust og látið LÍÚ klíkuna komast upp með þetta? Ef þið þorið ekki sitjið þá ekki eins og aumingjar gangið út og hleypið öðrum að þar til fengist hefur fólk á þingið sem hræðist ekki Púkann á Akureyri og tekur af skarið og stoppar þessa dauðans vitleysu.

Hagfræðideild Háskóla Íslands nýtur styrkja LÍÚ til að búa til áróður með kvótkerfinu og hafa prófessorar þessarar stofnunar látið hafa sig út í ómerkileg vinnubrögð og staðreynda fals. Þegar borin er saman afkoma skipa í dag og í Sóknarmarki er bent á síðustu tvö árin þegar "Steingrímur lét plata sig " og missti inní landið eina 50 togara umfram það sem var talið ráðlegt. Ef bara hefði verið gerður samanburður á 50 bestu togurum Sóknarmarks og 50 skipum núna þá hefði komið í ljós að ebita þessara skipa var ekkert minni en það sem gerist í dag. Og ef gerður hefði verið samanburður á skipum þá og skipum annarra þjóða þá og síðan sambærilegt í dag kæmi sennilega í ljós að eignamyndun var miklu meiri og skuldasöfnun minni en er núna. En sannleikurinn  passar ekki inní áróðurinn sem á að tryggja áfram hald kvóta svo hægt sé að halda áfram skulda söfnun og arðráni úgerðar í formi afskrifta kvótalána.

Fólk má ekki láta segja sér að svona hafi þetta verið og hinsegin hafi þetta verði. Staðreyndirnar tala sínu máli. Í sóknarmarkinu fóru skip á hausinn á sama tíma og önnur skip brilleruðu. Kaldbakur og Guðbjörg Ögri og Vigri Bessi og Guðbjartur Snorri og Bjarni Ben Haraldur Böðvars og Arnar og mörg fleiri skip brilleruðu og þurftu ekki gengisfellingar þau brilleruðu út af áhöfnum skipanna. Af hverju á Ríkið og LÍÚ að stjórna hverjir lifi og deyi? Það er ekki hlutverk Ríkistjórna að stjórna pressu af samkeppni. Það er hlutverk Ríkistjórna að skapa þegnunum jafnrétti til orðs og athafna. Allir skulu sitja við sama borð tækifæranna þeir sem kunna þeir gera í sjávarútvegi rétt eins og í öðrum greinum. Ef hér eru útgerða aðilar sem ekki sætta sig við þær leikregur sem þjóðin setur þá er það hverjum manni frjálst að fara að gera eitthvað annað. Enginn verður píndur í útgerð allra síst KVÓTAPÚKINN sem best væri að losna við til Noregs.

Staðreyndin er sú að áður en kvótakerfið var sett á stefndum við í að verða ríkasta þjóð í heimi við hlið Noregs. En sauðspilltir stjórnmálamenn komust til valda og þeir gengu sannanlega veg GRÆÐGI OG SPILLINGAR og svo fór sem fór. Í stað auðlindasjóðs Noregs erum við gjaldþrota þjóð með gjaldþrota sjávarútveg og enn vill LÍÚ fá að stunda ótakmarkaðann fjárdrátt út á kvóta þjóðarinnar. Er ekki komið að þjóðinni að stoppa þessa ands...ns vitleysu.

Sendum KVÓTAPÚKANN úr landi og AFNEMUM KVÓTAKERFIÐ OG SETJUM HÉR SÓKNARMARK.

Athugasemdir

[Hallgrímur Hrafn Gíslason, 24.4.2011 kl. 13:35]

Almenningur í landinu vill ekki lokað fiskveiðistjórnunar kerfi.  Það er alveg sama hvort það er Aflamark eða Sóknarmark.  Bæði kerfin eru hamlandi fyrir nýliðun.

Aflamarkið með uppsprengdu verði á kvóta en skipin ódýr.

Sóknamarkið með yfirverð á skipum og eða dögum.

Ólafur,  gefum  sóknina frjálsa á öll skip sem eru skráð íslensk í dag, bannað að fjölga þeim í sex ár, nema bátar undir 10 metrum með vél undir 100 hö og handsnellum.

Gefum veiðar frjálsar á Makríl vestan við línu dregna um Hvalbak, verðum að veiða þann ránfisk miskunarlaust, til að vernda íslenska fiskistofna. Austan við Hvalbakinn verður veitt úr kvóta sem er út gefin úr sameiginlegum makrílpotti.

Makrílþjóðirnar viðurkenna ekki að þessi fiskur gangi mikið í íslenska landhelgi, við getum því haft veiðar óheftar á fiski sem ekki er til.