SVONA LÍTUR ÍSLENSKA SÓKNARMARKIÐ ÚT VAR BÆÐI RÉTTLÁTT OG HAGKVÆMT

Hvað er átt við með Sóknarmark? Hvernig getur Sóknarmark sameinað hvoru tveggja byggja upp stofnana og tryggja hámarks nýtingu?

Sóknarmark byggir á hámarksstærð flotans. T.d. 75 til 80 skipum sem hefðu 270 veiðidaga á ári. Skipt í 3 fjöguramánaða tímabil. Hér yrðu þá stopp 30 stopp þrisvar á ári sem tækju pressu af sókninni og réðu menn þá hvernig þeir eyddu þessum stopp dögum. Fara í Úthafið, fara á önnur mið, sigla með aflann, eða bara halda útgerðakostnaði í lágmarki og áhöfn fengi að vinna við viðhald. Ríkið skiptir sér ekkert af þessu en hjálpar til dæmis þeim sem sækja á önnur mið með að þeir megi taka alla stoppdaga í einu. Við skulum ekki gleyma að afli verður bæði meiri vegna annars vegar einskis brottkasts og aukinn afli mun óhjákvæmilega verða flest árin.

Nú þarf að stýra sóknardögunum. Hvenær skrapfiskur annar en hreinn þorskur (hvenær 5 % í þrjatíu daga þorsk, 10% þorsk þrjatíu daga, 15 % í 30 daga þorsk í afla) og síðan  hvenær þorskdagar þetta má ákveða eftir túrinn og var það mjög þægilegt þar sem þá var hægt að teikna það sem var hagkvæmast. Sá fiskur sem ekki passaði inní og var umfram það sem ákveðið var var gerður upptækur til ríkisins.  Þetta verður alltaf útsjónasemi útgerðar og skipstjóra og kemur Ríki ekkert við. Með þessu ef góðæri er í hafinu eins og núna þá berst meira af fiski á veiðidögunum en þegar minna er af fiski berst minna í land (sjálfvrikt). Ekki er legið á smá fiski þar sem fiskur fer á markað og allur fiskur er fyrstaflokks þar sem allt fer á markað. Eins og kom fram í Sóknarmarkinu voru aflahæstu skipin einnig með besta hráefnið sem sýndi sig á mörkuðunum. Dreifing á löndunum mun eins ráðast af mörkuðum. Nú er markaðskerfi um allt land og vegir orðnir betri svo ekki þarf að óttast að ekki verði góð dreifing á afla vitt og breitt um landið. (Ég kom eitt sinn með 310 tonna farm að landi á markaðinn í Reykjavik og í stað þess að verð myndi falla eins og spáð var fékk ég hæsta verð sem nokkru sinni hafði fengist fyrir einn farm. Aflinn var karfi og ufsi!!!! Ekki þorskur! Þarna áttum við hæstu sölu í heimi í Þýskalandi hæstu sölu í Englandi og hæstu sölu á Íslandi á sama tíma) svo hvorki ríkið né LÍÚ  þarf  að stjórna hvernig á að gera hlutina þótt sumir haldi því fram. Best að þetta fólk geri það sem það kann og láti sjómenn um veiðina og meðferð afla. Ég veit ekki hversu mikið er kennt í veiði og aðgerð í Háskóla Ísland eða öðrum menntastofnunum enda ekki menntun fókusuð á það.

Nú höfum við notað Kvótakerfi í 27 ár og höfum við aldrei náð sambærilegri veiði eins og afkastageta miðanna á að geta gefið miðað við árin fyrir stækkun landhelginnar. Margsinnis hafa komið ár sem sjómenn hafa reynt að benda á að það sé fiskur um allan sjó og spyrja afhverju ekki má veiða? Því miður hefur spilling í kringum veðin í bönkunum og kvótarúllettuna gert það að verkum að LÍÚ hefur náð taki á úthlutun á aflaheimildum og í þeim tilgangi að ekki verði hugsanlegt offramboð á kvóta og kvótaverð lækki hefur aflamarki verið haldið í lágmarki. Sama átti við þegar kvóti var settur á frjálsar handfæraveiðar ekki mátti vera opinn aðgangur að óveiddum fiski. Í sóknarmarki leyfðu sjávarútvegsráðherrar sér að auka við ráðlagðar aflaheimildir ef ástæða þótti til. Það má lengi fara varlega án þess að stórskaði verði að. Hér verða áfram sjálfbærar veiðar og undir stjórn enginn þarf að efast um það. Þessi della sem átt hefur sér stað varð til þess að þegar lægð kom svo í þorskveiðina í Barentshafinu komust bæði S-Ameríka með Hake og Seattle með Alaska Ufsa inn á hvítfisk markaðinn í Evrópu í rosa magni og á lágu verði þetta stór skaðaði verð á þorski svo sveltur markaður er ekkert sérstaklega góð markaðssetning. Sjá vitleysuna varðandi 10 ára síldveiði bann.  

Núna halda margir að það hafi verið Sóknarmarki að kenna að við vorum með gengisfellingar. Í Sókmarmarki með allan fisk á markað þarf ekkert að "putta" gengið. Menn í Sóknarmarki eru í útgerð til að standa sig í samkeppni og standa og falla með sjálfum sér. Menn bera ábyrgð á því sem þeir gera. Menn segja að samkeppni hleypi kostnaði upp úr öllu valdi. Hvað kemur ríkinu við hvernig menn reka sín fyrirtæki. Það verður samkeppni já hvað með það? Er ekki Lýðræði í þessu landi? Á ríkið þá að segja mönnum hver á að lifa og hver á að deyja í einni atvinnugrein en ekki annarri? Eigum við að reka arðvænasta sjávarútveg í heimi? Aukum þá samkeppni við veiðarnar og á markaðinum og við munum sjá arðinn af greininni flæða útum æðar þjóðfélagsins.  Sköpunarkraftur þeirra sem landið byggja og vilja vinna mun keppa við þá sem sitja á rassgatinu í Reykjavik og á Akureyri og allir sem vilja njóta þeirra forréttinda að vinna í sjávarútvegi verða að hafa sig alla við að gera sem best úr aflanum að við munum sjá hámörkun á útflutnigs verðmætum. Og það sem er mest um vert er að við munum sjá hagvöxt fólksins um allt land vaxa sem síðan mun skila sér sem traustur hagvöxtur þjóðarinnar gagnvart öðrum þjóðum. Við munum í stað skuldasöfnunar LÍÚ safna í sarpinn ásamt að borga skuldir okkar.

Hagfræðideild Háskóla Íslands nýtur styrkja til að búa til áróður með kvótkerfinu og hafa prófessorar þessarar stofnunar látið hafa sig út í ómerkileg vinnubrögð og staðreynda fals. Þegar borin er saman afkoma skipa í dag og í Sóknarmarki er bent á síðustu tvö árin þegar "Steingrímur lét plata sig " og missti inní landið eina 50 togara umfram það sem var talið ráðlegt og Kjartan Jóhansson hafði sett stopp á innflutning. Ef bara hefði verið gerður samanburður á 50 bestu togurum Sóknarmarks og 50 skipum núna þá hefði komið í ljós að ebita þessara skipa var ekkert minni en það sem gerist í dag. Og ef gerður hefði verið samanburður á skipum þá og skipum annarra þjóða þá og síðan sambærilegt í dag kæmi sennilega í ljós að eignamyndun var miklu meiri og skuldasöfnun minni en er núna. En sannleikurinn passar ekki inní áróðurinn sem á að tryggja áfram hald kvóta svo hægt sé að halda áfram skulda söfnun og arðráni þjóðarinnar í formi afskrifta kvótalána.

Fólk má ekki láta segja sér að svona hafi þetta verið og hinsegin hafi þetta verði. Staðreyndirnar tala sínu máli. Í sóknarmarkinu fóru skip á hausinn á sama tíma og önnur skip brilleruðu. Kaldbakur og Guðbjörg Ögri og Vigri Bessi og Guðbjartur Snorri og Bjarni Ben Haraldur Böðvars og Arnar og mörg fleiri skip brilleruðu og þurftu ekki gengisfellingar þau brilleruðu út af áhöfnum skipanna. Af hverju á Ríkið og LÍÚ að stjórna hverjir lifi og deyi? Það er ekki hlutverk Ríkistjórna að stjórna pressu af samkeppni. Það er hlutverk Ríkistjórna að skapa þegnunum jafnrétti til orðs og athafna. Allir skulu sitja við sama borð tækifæranna þeir sem kunna þeir gera í sjávarútvegi rétt eins og í öðrum greinum. Ef hér eru útgerða aðilar sem ekki sætta sig við þær leikregur sem þjóðin setur þá er það hverjum manni frjálst að fara að gera eitthvað annað. Enginn verður píndur í útgerða allra síst KVÓTAPÚKINN sem best væri að losna við til Noregs. 

Staðreyndin er sú að áður en kvótakerfið var sett á stefndum við í að verða ríkasta þjóð í heimi við hlið Noregs. En sauðspilltir stjórnmálamenn komust til valda og þeir gengu sannanlega vega GRÆÐGI OG SPILLINGAR og svo fór sem fór. Í stað auðlinda sjóðs Noregs erum við gjaldþrota þjóð með gjaldþrota sjávarútveg og enn vill LÍÚ fá að stunda ótakmarkðann fjárdrátt út á kvóta þjóðarinnar. Er ekki komið að þjóðinni að stoppa þessa ands...ns vitleysu.

Sendum KVÓTAPÚKANN úr landi og AFNEMUM KVÓTAKERFIÐ OG SETJUM HÉR SÓKNARMARK.

Athugasemdir

[Valdimar Samúelsson, 30.4.2011 kl. 08:59]

Góð greinargerð já burt með kvótana. Ég hef alltaf verið þenkjandi á þann veg að sjávarútvegurinn stjórnar sér sjálfur en það er alveg sjálfsagt að láta verksmiðju togaranna borga til baka til ríkisins fyrir framtíðarnotkun á auðlindum okkar. Ég hefði vilja undanskilja heimalöndun og alla veganna handfæra og línuveiði báta. Það er bara náttúran sem hefir áhrif á stofnanna en ekki veiðar.  

[Ólafur Örn Jónsson, 30.4.2011 kl. 10:36]

Þakka þér Valdimar en ég vill vara við að við séum að argast hver út í annan. Það er pláss fyrir okkur alla á sjó og eins og þú veist það veiðir engan annars manns fisk úr sjó.

Ég held að allir sem fá að stunda veiðar í atvinnuskyni eigi að sætta sig við að borga af seldum afla. Ekki svo Ríkisstjórnir geti vasast með þá peninga heldur sem framtíðar lífeyrir þjóðarinnar eins og Norski sjóðurinn.