Næstu skref .

Nú er staðan klár og ekkert annað en að halda áfram veginn. Nokkur stór mál liggja fyrir og ber kannski hæst fyrir fólkið í landinu. Það þarf að semja til að atvinnulífið geti haldið áfram. SA verður að gera sér grein fyrir að á þjóðinni byggist atvinnulífið ekki öfugt. Semja þarf við fólkið og halda áfram. Já það er ekki bjart í þjóðfélaginu sem er að rísa úr öskustó Davíð-ismans en uppbyggingin þarf  að halda áfram og þá mæðir á okkur Íslendingum og allir verða að leggja hönd á plóg.

Fáráðleikinn að LÍÚ sé með krumlurnar inní viðræðum um kaup og kjör almennings verður að víkja þegar í stað og menn snúi sér að lausn í stað riflildis. Mér líst lítið á aðkomu bergrisann úr Valhöll sem er settur í forsæti fyrir Samtök Atvinnulífsins og held að hann falli ekki alveg inní það sem þjóðin þarf á að halda núna. Þ.e. sátt og samlyndi. 

Í sjávarútvegi eru verkefni sem ekki þurfa svo mikinn tilkostnað. Það er að leyfa þjóðinni að byrja að veiða fiskinn. Fátt liggur betur við nú þegar neta rallið sýnir svo áþreifanlega að hér er nógur fiskur og ekkert annað fyrir þjóðina en að stór auka veiðar og í kjölfarið á því að setja upp tillögu um að þjóðin fái að velja milli nýs Kvótakerfis eða Sóknarmarks. Með því að afnema kvótakerfið og setja á Sóknarmark er sjávarútvegi gefin vítamínssprauta og ekki spurning um að þetta mun hjálpa byggðarlögunum mikið.

Menn hafa áhyggjur af fjárfestingum útlendinga? Og að ekki fáist lán? Ef að viðsnúningur verður í sjávarútvegi og hér fer að verða raunverulegur arður í sjávarútvegi byggður á mikilli veiði og auknum útflutningi ætti slíkt að hjálpa til við að kalla á fjármagn. Við megum ekki lengur halda í skottið á þykjustu peningum LÍÚ sem byggjast á veðum í kvótanum. Það er í raun ekkert á bak við þessa peninga og eru þessi veð eins og nýju fötin keisarans það eru engir peningar! Þú veðsetur ekki laun fólksins! Þú veðsetur ekki olíu kostnaðinn og annan rekstrarkostnað! Þetta er bara eitt stórt svindl. Við verðum að snúa ofan af þessu og byrja hér raunverulegan sjávarútveg sem byggir á veiðinni ekki matador peningum.