AFNEMA KVÓTAKERFIÐ ÞEGAR Í STAÐ OG SETJA HÉR SÓKNARMARK

Svívirðileg hegðun LÍÚ sem brýtur allar siðareglur og velsæmi sýnir okkur að þetta hyski svífst einskis í viðleitni sinni að þvinga stjórnvöld til að standa vörð um óbreytt kvótakerfi. Öllum er ljóst hvílíkir gallar eru á Kvótakerfinu bæði til uppbyggingar á fiskstofnum og til að hámarka aflamagnið.

Alþingismenn eru lamaðir í afstöðu sinni til kvótans út af einhverjum tengslum sem ekki eru uppá yfirborðinu. Hvað er þá til ráða? Forsætisráðherra hefur sagt að það komi til greina að fara með kvótamálið fyrir þjóðina í þjóaratkvæðagreiðslu. Er það ekki eina Lýðræðislega leiðin til að leysa þann hnút sem þessi mál eru í í dag og búin að vera í yfir 20 ár. 

Það liggur ljóst fyrir að þjóðin vill að farið sé að vilja hennar og er reiðubúin að taka ábyrgð á þeim málum sem eru hálf strand á Alþingi. Semja á lög sem gefa þjóðinni kost á að velja milli Kvótakerfis og Sóknarmarks. Hér munu ekki verða nein Ragnarrök hvort kerfið sem þjóðinni hugnast en sannanlega mun Sóknarmark skila meiri fisk að landi og hann mun dreifast meira um þjóðfélagið.

 

Athugasemdir

[Hallgrímur Hrafn Gíslason, 1.4.2011 kl. 15:19]

Ekki gleyma að kjósa um frjálsa sókn, en takmörkun á veiðafærum eftir svæðum.

Sóknamarkið yrði líklega bundið við þau skip sem hafa veiðileyfi núna, skipt niður í flokka , eftir stærð og veiðigetu, dögum úthlutað að tillögu Hafró, ekki satt.

Það kæmi meiri fiskur á land á þeim stöðum sem er landað á núna, en félagar Hafró verða fljótir að drepa það niður. annað breyttist ekki.

[Ólafur Örn Jónsson, 2.4.2011 kl. 13:01]

Góðan og blessaðan daginn Hallgrímur. Ég er ósáttur við þegar við sjómenn vorum að rífast um hvort eitt veiðarfæri sé betra eða verra en annað. Í höndunum á klárum mönnum eiga öll veiðarfæri rétt á sér. Hvort eitt svæði sé betur fallið fyrir viss veiðarfæri verður alltaf erfitt að meta en t. d. ef við værum með frjálsar  handfæraveiðar mættu þær hafa 3 mílur útaf fyrir sig??

Varðandi togarana má hæglega fjölga þeim um 20 til 30 skip. Það verður að hleypa mönnum að. Ég sá ekkert að því þangað til skipin voru orðin 75 í sóknarmarkinu en eftir það fór manni að finnast komið nokkuð mikið. Ég get ekki dæmt um önnur skip en tel þó að leyfa verði einhverja aukningu til að fá nýliðun. Handfæra veiðar skilyrðislaust frjálsar með skynsamlegu sóknarmarki.

Gerum okkur grein fyrir að það geta ekkert allir gert út á sóknarmarki einhverjir fara á hausinn. Menn verða að lifa á sjálfum sér bankarnir veðsetja ekkert fram yfir eignir fyrirtækjanna. 

Hafró verður náttúrulega að komast undan stjórn LÍÚ. Þá fáum við að veiða þann fisk sem heilbrigt er að taka. Tengja verður Hafró betur við "Kallana í brúnni". Það verður að fá meiri nálægð en nú er við ákvörðun afla og spurning í stað meðal tal "við árið á undan" eins og núna er gert til að halda afla niðri yrði tillaga skipstjóra á hverju svæði tekin með í útreikningana til hækkunar eða lækkunar heildar afla hverju sinni? 

Málið er við verðum að komast út úr þessari vitleysu sem nú er hér Hallgrímur. Þetta gengur ekki svona ekki einu sinni fyrir þá sem eiga kvóta því skuldirnar ganga ekki upp. Það verður að borga köllunum og olíuna. Hvernig á þetta að ganga upp?

[Hallgrímur Hrafn Gíslason, 2.4.2011 kl. 14:05]

Ólafur það skiptir engi máli þótt Hafró skilji við Líú.  Grunn hugmynd Hafró að friða smáfiskinn og geyma gengur ekki upp.  Í vötnum verður að veiða smá fiskinn grimmt. Það sýndi sig þegar við hættum að nýta vötnin til matar þá varð offjölgun og fiskur smækkaði.   Með því að grisja vötnin og moka smælkinu á land varð ástandið betra og fiskur stækkaði.  eins var það meðan Bretinn grisjaði fyrir okkur og við reyndar líka þótt við hirtum ekki smá fiskinn nema þegar við vorum að sigla með aflann.

Trillur undir 10 metrum með vél innan við 100 hö og handsnúllur ættu að vera frjálsar í sókn, landa afla í höfn á hverjum degi.

[Hallgrímur Hrafn Gíslason, 2.4.2011 kl. 14:15]

Ólafur Mér finnst líka sorglegt að fiskifræðingarnir skuli ekki vinna meira á fiskiskipunum, mér fyndist vera eðlilegt að 10-15 fræðingar væru á miðunum allt árið  taka sýni, aldurs greina og vigta fisk til að fylgjast með vaxtar hraða eftir veiðisvæðum skoða maga inni hald og fleira.

[Ólafur Örn Jónsson, 2.4.2011 kl. 14:19]

Við getum ekki samþykkt að strá drepa kóð það gengur aldrei. En hvað varðar smáan fisk sem hæfur er til manneldis já ætti að vera í lagi ef stofninn sýnir sig að vera í góðu ástandi en menn verða að vera tilbúnir að fara varlega ef lítið er um fisk og nauðsyn að byggja upp hrygningar stofn.

Mín skoðun varðandi karfann þá lokar maður bara svæðum sem ekkert bera nema smákarfa eða svæðum sem karfinn fer smækkandi á ár frá ári. Þetta veit ég af reynslu. Karfinn er viðkvæmur fyrir ofveiði en getur skilað sér í ræktun eins og gert var í svonefndu "Bæli" þar var hægt að rækta fisk fyrir önnur svæði.

Ufsi hæfur til manneldis ætti í flestum tilfellum að vera hægt að veiða og þarf enga stjórn (kvóta) á ufsa veiði hann stjórnar sér sjálfur.  

[Ólafur Örn Jónsson, 2.4.2011 kl. 14:24]

Fiskifræðingar eiga hvergi að vera nema út á sjó að veiða. Þannig komast menn í snertingu við það sem er að gerast og læra. 

Og eitthvað verðum við að gera við allt fiskistofu fólkið þegar við breytum yfir í Sóknarmark og ekki þarf að bíða á bryggjunum með handjárnin klár.

[Hallgrímur Hrafn Gíslason, 3.4.2011 kl. 11:17]

Ólafur, ég hef þá trú að við hefðum ekkert þurft að í friðun á þorski um og fyrir 1980.  Þorskur þá var að léttast miðað við aldur, sem eru merki um vanfóðrun.  Allir sem fóðra skepnur vita það. NEI NEI þá veinar Hafró OFVEIÐI OFVEIÐI, það verður að stækka möskva, friða smáfisk ( auka beitina) og á þessum árum var að koma inn í beitina 160.000 tonn af smáfiski árlega (sem Bretar höfðu veitt árlega áður)  enda jókst aflinn alltaf þrátt fyrir möskva stækkun og skrapdagakerfi til 83.

Á ÞESSUM ÁRUM HEFÐI ÁTT AÐ VEIÐA MEIRA AF SMÆRRI FISKINUM.  ÞAÐ HEFÐI SVO MÁTT VEIÐA MINNA ÞEGAR FISKURINN FÆRI AÐ ÞYNGJAST MIÐAÐ VIÐ ALDUR.

[Ólafur Örn Jónsson, 3.4.2011 kl. 17:18]

Nú skal ég ekki segja Hallgrímur. Ég tel að aldrei megi veiða kóð. En ætan fisk má veiða. Hvernig holdar var á fiski 1980 get ég ekki sagt til um en ég leit betur út þá.

Það er staðreynd að það má ganga nálægt viðkomu miklum stofnum eins og þorski en mér fannst  stækkun möskvans góð útaf kóði. Þeir notuðu 100 mm möskva í Norðursjó áfram og lönduðu kóði á markaðina. Þeim gekk ekki vel að byggja stofninn upp og endaði með að þetta kóð varð kynþroska?? Þetta var hörmulegt að sjá.

Það var greinileg uppbygging á þorskstofninum í Skrapdagakerfinu 1983 og 84 það sýnir aflinn fyrstu 2 árin í Kvótakerfinu 85 og 86. En þá lögðust Norðan skipin á kóð í Berufjarðarál og stofninn hrundi og ég man  að ekki sást þorskur fyrir suðurlandi 1989 og 90 eða þar til 2 árum eftir að Berufjarðarál var lokað. Og var það ekki 1994 sem þorskur var um allan sjó en ekkert mátti veiða.

Í 20 ár reyndi ég að búa til munstur í veiðina til að átta mig á hegðun fisks og aldrei gat ég gengið að fiski. Það var alltaf eitthvað breytt. Það var jú ritmi en aldrei hægt að stóla á fisk hér eða þar. 

Mér hefur dottið í hug Hallgrímur að ef við lokuðum vissum svæðum fyrir kóð af t. ýsu, þorski og karfa mætti þá ekki bara hafa frjálsa sókn alveg nema allur fiskur yrði að fara á markðina? Kannski 100 togara? Ég er viss um að sumir myndu gera það gott en aðrir ekki eins og gengur þegar alli sitja við sama borð.