Samráðsvetvangur um nýtingu helstu nytja stofna.

VÁÁÁ nú er ég hræddur um að menn þurfi að passa sig. Ég tel að enginn ætti að koma nálægt svona vinnu nema fiskifræðingar (innan og utan hafró ) og fiski-skipstjórar (innan og utan kvóta-hópsins).

Hér er greinilegt að menn eru komnir á mjög hála braut. Rektor HÍ er formaður hópsins? Með fullri virðingu fyrir Skúla Skúlasyni þá eftir að hafa lesið það sem eftir honum er haft er hann ekki alveg með á nótunum. 

Það er búið að reyna að gera þetta eins og hann er að tala um að eigi að gera þetta og það virkar ekki. 

1 Hvernig dettur mönnum það í hug að hafa það sjálfvirkt að nota aflamark næsta árs á undan ( veitt í kvóta) til SVEIFLUJÖFNUNAR. Það er þetta sem er eitt aðal vanda mál okkar síðan við tókum upp þetta kvóta kerfi. Háskóla menn vildu ekki sveiflur því það truflaði hagtölur og viðskiptamódel!!!!:)))) Þjóðin er búin að tapa milljörðum á þessum sveiflujöfnunum og verður alfarið að taka þetta út úr fiskveiðistjórnun. Það verða alltaf sveiflur í afla hvort sem þær koma fram í rannsóknum Hafró eða ekki. Í 20 ár gerði ég skýrslur um veiðina frá degi til dags eftir straumum og veðri en aldrei gat ég gengið að fiski uppá dag eins og Hafró byggir sínar rannsóknir á. Það er og verður aldrei hægt að handstýra veiðunum eins og háskólamenn eru að reyna. ALDREI. 

Núna loksins eru menn að gera sér grein fyrir þessu með loðnu og fer ráðgjöfin fram þegar menn eru komnir í bein tengsl við gönguna sem kemur á miðin í vertíðarbyrjun. Af hverju halda menn að þeir geti gert þetta eitthvað öðruvísi með aðra stofna? Einn daginn sést ekki fiskur og daginn eftir er mok á öllum miðum? Reynum að hætta að hugsa eins og háskóla menn og byrjum að hugsa eins og fiskimenn þegar við búum til fiskveiðistjórnunarkerfi. 

Aukinn þorskafli hefur ekkert að gera með efnahagsástandið.  Auka þarf afla af því það er góðæri í hafinu og eina ástæðan að ekki er búið að bregðast við og auka afla er að LÍÚ stendur í veginum fyrir aukningu aflaheimilda svo að veðin í bönkunum rýrni ekki og svigrúm fyrir fleiri í greinina skapist ekki. Menn verða að vera í svona nafla skoðun með opin augun. 

Því miður er hópur innan LÍÚ búinn að sigta flesta nei menn af skipunum og verður erfitt að fá hugsandi menn í slíkt starf sem Skúli talar um að fá í hópinn. Því miður en gott að þetta eru eingöngu tilögur svo þjóðin hafi síðasta orðið ef út úr þessu kemur ekkert nema eitthvað bull eins og að nefna stýringu á aflamarki á Ufsa. Staðreyndin er að Ufsi hefði aldrei átt að fara í Kvóta-stýringu og var bara settur í kvóta svo hann hefði verð í skiptum fyrir annan fisk. 

Sama á við um fleiri smærri stofna. Þeir eiga ekkert erindi á kvóta stjórnun og komum við þá að megin atriðinu. Kvótakerfið er ekki stjórntæki fyrir botnfiskveiðar. Það virkar ekki! Það er ekki hægt að ákveða fyrirfram hve mikið má taka hvert ár með árs fyrirvara. Viðkoman í Þorski er svo ör í góðæri að við missum alltaf af góðærum af því menn eru of varkárir. Í sóknarmarki berst þessi aukni afli sjálfvirkt að landi og ekkert brottkast. Svo ætla má að minnst 10 til 15% meira berist á land. 

Ég tek eftir því að ekki er minnst á orðið "kvóti" og spyr ég mig hver skipulagði þetta þing? Hvað skyldi vera í pokahorninu??? Því allt sem minnst er á er betur stýrt í sóknarmarki. Ætlar rektor að mæla með að farið verði í sóknarmark sem reyndist svo vel áður en kvótaspillingin hófst?