Ég dáist af Bjarna Benediktssyni

Ég er ekki hrifinn af því að við skulum sitja uppi með Icesave-málið og enn verra er að þurfa að borga. En við verðum að hafa frið og einhver staðar verður að stoppa. Bjarni gerir rétt og er vonandi að hér sé að verða sá viðsnúningur sem nauðsynlegur er fyrir Sjálfstæðisflokkinn. Hafna Davíðsismanum og taka upp stefnu sem gengur út á að skapa hér frjálslynt samfélag sem byggir á "frelsi einstaklingsins til athafna"  í stað þess að ganga eingöngu erinda sérhagsmuna hópa.

Klíkuskapur var annarra flokka fyrir Davíðsisman og er óþolandi að Sjálfstæðisflokkurinn skuli hafa verið dreginn niður á það plan eins og gert var strax í Borgarstjóratíð Davíðs Oddsonar og hélt svo heldur betur áfram eftir að hann tók við sem Forsætisráðherra. Menn vita að það þarf hugrekki til að fara á móti þeim öflum sem vilja þetta land fyrir nokkra útvalda og einokra tækifærin í landinu. En þannig  fyrirkomulag fer ekki saman við grunn hugmynd sjálfstæðis stefnunnar.

Það þarf sterkan foringja til að hrista af sér klær eiginhagsmunaseggja og komast upp úr rústum Davíðsismans. Vonandi sjáum við Bjarna Benediktsson taka fast í taumana og stýra Sjálfstæðisflokknum í það forystu hlutverk sem þjóðin þarf á að halda núna þegar neyðin er stærst.

Athugasemdir

[Jóhannes Laxdal Baldvinsson, 4.2.2011 kl. 11:00]

Ég setti bloggið þitt á blogg gáttina Ólafur. Vona að þér sé sama. Það eru ekki svo margir sem sérhæfa sig í sjávarútvegs skrifum að ég reyni að safna þeim á gáttina til að fylgjast með